قرار مهم ساعدوني

[مطلوب أفريقي]

السلام عليكم ورحمة الله وبركاته ..

اخواني انا قررت قرار خطير ..

انا اشتريت كاسكو وسميته كوكو

لكن المشكله مو كذا

اعطيته وشريت له قفص كبير واكلته وشربته وسويت له كل الي يبيه
شريت له فيتامينات وكالسيوم والعاب وكل شي

بيكمل الشهر عندي ..

لكن المشكله هالأيام يحك ظهره بقوة مره واحياناً بنتف اشياء بيضا صغيرة تطير مع الهوا ..

سألت خبراء قالوا لا عادي مو ريش ذا ..!

المهم اليوم الفاجعة ..

رحت اشوفه واسلم عليه الا وألاقي ريشة من جناحة طايحة

قلت بس هذا الي بادي ينتف ريشة

شرايكم والله محتار افكر ابيعه لاني بالفعل فاشل في التدريب ..

حتى طيور اخاف منها

[طير جديد]

الحل رقم (1) اذا انت مو فاضي لطير فا انصحك بعه لان النتف سببه الجراثيم او الحاله النفسيه
الحل رقم (2)خصص لك وقت مع الطير سبحه طلعه في الشمس
لان الشمس تقتل الجراثيم والطير تتغير نفسيته
وفي بخاخ لطيور ممتاز جدا رشه على جميع جسم الطير ماعدا الراس تلقى عند محلات الطيور او البيطري لونه اخضر وسعره اتوقع 50 ريال

[مطلوب أفريقي]

والله وانا اخوك ماقصرت معه

اطلعه يوميا للشمس

واطلعه برى القفص يوميا ساعة واكثر احياناً

وحاطه بأعلى مكان بالبيت فرق بينه وبين السقف اقل من شبر

واروشه يوميا

اذا فيه نفسية فراح تكون من الترويش << من زود النظافة

انا شفت البخاخ بس وانا اخوك هو للحين موب اليف بس ميزته مايجعر

وانا قلت قبل اخاف من الطيور << لما جا يلمس الريشة وهي بالقفص خايف هههههههههه

يعني بجد حالتي صعبه وفوق كل هذا انا متعلق فيه كثير ومادري ابيعه احسن او اخليه احسن

لاني عارف اني لو خليته ماراح تتحسن نفسيته لان البيت عندنا ازعاج

الوالد الله يهديه من يدخل لين يطلع وهو ازعاج

24 ساعة يصارخ حتى لو بغى احد يشغل النور جلس يصارخ ماعنده الا صراخ

وعندي 3 اخوان صغار 24 ساعة لعب بالبيت ما يقرون مكان

وكلها سرعه والببغاء مايحب السرعه يخاف وخاصة ماله غير شهر وللحين ما استقر زين

والله تحطمت نفسيتي لما شفت الريشة

[tuovl]

ريش الجناح ولا الصدر؟

لأنو يختلف من مكان لآخر

[كاسكـــو]

عادي الببغاء ينتف ريش الجناح للتبديل مافيها شي

لو كانت مشكله نفسيه راح يبدأ بنتف صدره او رقبته

لاتستعجل .. مشكلتك عـــــــــــــــــــــاديه

[مطلوب أفريقي]

يا اخواني هو من اسبوع كان ينتف ريش من ظهره تحت جناحة ..

واليوم شفت ريشة من جناحة طايحة

يعني انه بادي ينتف جد

ونسيت اقولكم عمره

لساته عمره تقريبا 11 شهر بالكثير

واذا كان تغيير ريش علموني متى يغير ريشة وكيف اتعامل معاه بالفتره هذي الله يعطيكم العافية

[كاسكـــو]

تغيير الريش هذي الايام بالصيف

لا تقلق .. اتركه براحته يبدل ريشه

[عزو11]

اخوي (مطلوب كاسكو) .
اولا :الطير نظيف يحب ينظف نفسه فاذا حس ان فيه ريشه وصخه او ...... يشيلهاوالله اكلمك جاد.

ثانيا:من كلامك انك مهتم بالطير كثير كثير فنصبحتي لك لا تبيع الطير بس لو انك شريت واحد اليف واصغر عمر كان احسن خصوصا انك على كلامك توك مبتدا بس مادامك حبيت الطير هذا اهم شي.

لاتنسا ان الطير كان حر ومن ثم حبس في قفص فيجب علينا كبشر ان نسليه والا فل نطلق صراحه.


عندي لك نصيحه اشتر له العاب وحطها له في القفص عشان مايمل وحاول انك تسولف معه وانت الللي غير له المويه والاكل .


والله يعينك .

اتمنا الاعضاء يفيدونك

[روهلات المعالي]

عادي مثل ببغائي وله تسعة شهور عندي
ولاصار شيء

[houston]

عادى اللى عندى اربع وعشرين ساعه يرتب ريشه ويطلع ريش ضغار لونها ابيض تطير فى الجو .. ودايمن يحب ينظف نفسه
هذى مو معناته انه ينتف ريشه .. وخله فى البيت بكره يصير نسخه من الوالد الله يحفظه ويقلد كلامه