الخبير يدخل والي عنده اي شي عن السمك يدخل رجاء خاص

[فطوم]

اهلان اخوي
بصراحه خوش فكره وانا بعد كانت تصيرلي نفس المشكله لين يأست من تربيه الأسماك لكن الحين رديت اربيهم والمشاكل قلت

بخصوص الكميه لازم كبدايه تبدا بمجموعه صغيره
حتى تستطيع الاعنتاء فيهم
وكثره السمك بالحوض ممكن تيزد الامراض

اول شي تسويه الحين انك تغسل الحوض اللي بتستخدمه بماء وملح حتى يتعقم ويتنظف ولاتستخدم الصابون

بعدين تغسله بالماء الفاتر جيدا

إملأ الحوض بالماء وحط فيه دواء الكلور لمده يوم كامل

ضبط حراره الحوض على الحراره المناسبه للأسماك

قبل لاتشتري الاسماك لازم تراقبها عدل وتشوف هل عليها نقط بيضه مثلا؟ هل زعانفها متآكله هل شكلها مريض او هل في سمكه ميته والكثير من الأعراض للأمراض...

لمه تجي وتحط الأسماك اليوم الثاني.. لازم تحط الكيس اللي فيه السمك بالحوض بدون ماتفتحه لمده ربع ساعه(حتى تتناسب حراره جسم الاسماك مع الحوض واعتقد انك لاتفعل هالشي عشان جذي اسماكك تموت) بعدين تفتح الكيس وتشيل الاسماك بالشبك وتحطهم بالحوض(عشان مايدخل الماء القذر مال أحواض محلات البيع داخل حوضك النظيف)

اما بخصوص الأكل اشترلهم الأكل اللي عباره عن اوراق لأنه مناسب لكافه الأسماك وكلهم كل يومين ولاتحط الكثير من الاكل حتى لايتوصخ الحوض

اذا حسيت اب اي مرض بالحوض او سمكه ماتت وكلوها الاسماك ارفع درجه الحراره الى 30 حتى تتتسارع دوره حياه الفطريات وتموت

وحط ملعقتين ملح او ملعقه كلوريد الصوديوم حتى يطهر الماء

تستطيع استخدام مضاد حيوي بشري اميزورال 500 وتذوب حبتين منه بكأس ماء وتحطه بالحوض

لكن افضل شي تسويه اذا لاحظت اي مرض او حركه غريبه عالاسماك تجي هني تسأل الخبراء وماراح يقصرون معاك

بخصوص الاسماك الولاده الي اعرفه المولي والبلاتي ااما البقيه اعذرني ماعندي فكره

اخوي الاجابه على جميع الاسأله الي تخطر على بالك موجوده بالقسم حاول تقرا اكبر عدد ممكن من المواضيع حتى تتعلم عن أمراض الأسماك واحتياجاتها والأسماك التي تتوائم مع بعضها قبل ان تشتري الاسماك