يوميات ببغائي الكاسكو (ويلي)

[PrEsIdEnT]

المشاركة الأصلية كتبت بواسطة سكر

ما شاء الله تبارك الله

فعلاً تطورات مذهلة,,,

الحمد لله على منه وفضله,,,

أول كان جهدك موزع على ببغائين,, والحين جهدك تركز على ببغاء واحد عشان كذا لاحظنا كلنا النتائج,,,

أخوي هباش أعطاك المفيد,, وكلامه مختصر,, لكن يحمل بين طياته تجربة كبيرة,,,

وتفسير كلامه ممكن يجسد كتاب كامل,,

أشكر الأخ هباش وكل الأعضاء على المشاركات,, وأتمنى منك يا غالي تقرر قرار جدي بإنك تتقدم خطوة أكثر شجاعة مع ببغائك,,,

واللي هي انك تترك القفاز,,, وتقتنع انت أولاً انك تقدر تطلع الببغاء على يدك...

الآن انت ما تحتاج للقفاز,,,

تحتاج انك تطلع الببغاء في مكان غير مألوف كثيراً بالنسبه له,, غرفة أخرى أو برى في الحوش مثلاً,,, وتخليه في مكان فاضي في الأرض,, بعيد عن أي شي ممكن يتسلقه

يعني مكان غريب بالنسبة له,,,

وقتها اجلس انت بينه وبين الباب حق البيت,, وناديه قوله تعال بصوت عالي,, وانت جالس,,,

بيحاول يمر من جنبك,, لكن ابقى قدامه واعطيه يدك بثبات كأنها غصن أو السلم حق القفص,,

كأنها قطعة جماد,,,

واتركه هو اللي يجي ليدك مو يدك اللي تروح له,,,,

وان شاء الله انه بيطلع عليها بس لا تخاف,,, ما بيعضك,,,,

لأن يدك ثابته,,, وهو اللي راح لها مو يدك اللي راحت له,,,

أتمنى لك وللجميع التوفيق,,,

تحياتي

اخوي سكر اول شي اشكر لك مرورك وتشريفك موضوعي


ثاني شي الحمد لله على واسع فضله فعلاً انا الاحظ تطور كبير بيني وبين الببغاء كل يوم والثاني


طبعاً انا مركز على حاجتين الحين اني اولفه واصير احك لجسمه كلها لاني الاحظ انه لمى احك على جسمه يترك الجعير ويترك الخوف شوي


الشي الثاني احاول انه يلقط كلام مني خاصه انه بدا الطقطقه الصباح والغمغمه وانا حريص على تعليمه الكلام


بعد ما يولف اصير احك على راسه راح ابدأ بتعليمه طلوع اليد ان شاء الله


شاكر لك نصائحك والحمد لله اني الحين لي تقريبا اسبوعين ما لبست القفاز لاني اشوفه يخاف من القفاز كثير خاصه لمى اصير قاطع معه شوط كبير من التمرين يخرب التمرين كله لمى يحضر القفاز


عشان كذا صرفت النظر عن القفاز



شاكر مرورك مره ثانيه وانتظر الجديد ان شاء الله