في يلوناب مايتكلم ؟؟

[Reyad]

السلام عليكم اخواني

عندي استفسار لأهل الخبره في الامازونات

يصير ان اليلوناب مايتكلم ؟؟ والا كلهم لازم يتكلمون ؟؟؟

عندي يلوناب عمره سنه ونص تقريبا ليلحين مايتكلم

بس لما اكلمه اهو يحاول يتكلم يتفخ بلاعيمه ويطله صوت هوى !!!

ارجوا انكم تفيدوني

اي تذكرت : اهو اذا مستانس ورحت عنه ينادي , كأنه يقول منووو او هلووو بصوت عالي وواضح ....!!!!

[كاجو]

طبعاً في يلو ناب مايتكلم أذا تعدى عمره ثلاث سنوات وماتعلم الكلام أنسى أنه راح يتكلم

أنا عندي واحد والان أعلمه الكلام أخذته وهو يتكلم بس مو كثير وصوته كان هاديء الان بعد ماعلمته

صار صوته عالي وواضح في الكلمات وصار يتعلم أسرع أنت شد عليه في التعليم وراح يتكلم بس لا تهمله

لانه أذا كبر راح يكون صعب عليه يتعلم..

[Reyad]

اشكرك عزيزي كاجو على الاهتمام
كم الوقت المطلوب والكافي اللي اقعد مع الطير يوميا واكلمه ؟؟؟؟

[كاجو]

والله على حسب مستوى ذكاء الطير ..

فيه ببغاء يكفي تردد الكلمه عليه بمجرد مرورك من عنده وبعد أيام تحصله يرددها ..

وفيه ببغاء يحتاج تجلس معاه على الاقل ثلاث مرات في اليوم بمعدل نصف ساعه في كل مره

وتردد الكلمه عليه وتكون قريب منه وبصوت عالي جداً ..

وأنا أفضل وضع جهاز تسجيل بصوتك تردد فيه نفس الكلمه وتوضع في الصباح الباكر لطائر وقبل المغرب

وقبل النوم مع الاستمرار في جلوسك معه وترديد نفس الكلمه ..

ويجب ملاحظة أن الكلمه الاولى لطائر هي الاصعب قد تأخذ وقت طويل حتى ينطقها وتتبعها الثانيه

بعد ذالك سوف يسهل عليه تعلم الكلمات الاخرى ..

حاول تعليمه في البدايه كلمه سهله مثل : بابا، ماما، آلو، مين

ثم بعد ذالك انتقل للكلمات الاصعب مثل: السلام عليكم ، مرحبا....

أتمنى أني أكون أفدتك .. تحياتي

[Reyad]

تصدق كاجو من كلامك اكتشفت اني مسوي حركه غبيهههههههههه
انا فعلا سجلت كلام حق الطير , بس مسجل 8 جمل وكل وحده اصعب من الثانيه
الحين من كلامك اكتشفت اني لازم اسجل كلمه وحده بالبدايه
شاكرلك عزيزي على هالمعلومه
شكرا

[q8_a]

االله يوفقك يالغلاااا

[n-b-n-b]

في بعضهم مايتكلمون..

بالتوفيق..

مشكور..

تحياتي..