هذ1 ردا للهآوٍي آمآزوٍن يقول كل الكاسكو مثل بعض

[عاشقة الطيور]

السلام عليكم ورحمة الله وبركاته

هههههههه في اشياء مافهمتها بس دامك تبي طير اليف ان شاءالله بتحصل عليه ..

جوف اخوي بالبدايه لازم تحط بالك اهم نقطتين اولها ان الببغاء لازم يتعود على البيت اليديد وبتعرف انه تعود بأختفاء الجعير والنقطه الثانيه الثقه هالثقه صعب تحصلها اذا الطير عود بالسن لكن مب مستحيله ..

احين شلون تقدر تحصل على الثقه ؟؟
انا بقولك بعد مايختفي الجعير حاول تأكله من يدك سولف وياه ودربه على الطاعه مثلا انه يركب على اليد هذي اول شي بعدها بتمسح على راسه واذا سمح لك انك تمسح على راسه فتأكد انه بدى يوثق فيك واهني لتستعيل عشان ماتفقد هالثقه

وبقولك انا شلون دربت سيكو وطوولت لكن الحين الثقه الي بينه مالها حدوووود
في البدايه بعد الجعير وبعد ماعلمته يركب على يدي كنت لما اطلعه ااكله من يدي عشان يولف بسرعه ولزياده الثقه واقعد وياه اسولف وفي يوم من الايام كنت حاطته على الكرسي ورحت وراه حطيت يدي فوق راسه سيده نزله انا اهني كنت حددي مستانسه ومب مصدقه وعرفت انه خلاص وثق فيني بس بعد كان يعض والحمدلله شوي شوي بدى يفهم
واحين ماشاءالله عليه مايحب احد غيري ومايخلي احد يشيله ويمسح راسه غيري وبما ان انا بنت فصاير دلووع ...

اهم شي انك ماتستعيل ولا تيأس مهما طالت مدة التدريب اهم شي بالنهايه تحقق مرادك بأذن الله
واي سؤال احنه بالخدمه
بالتوفيق