اشترك في نشرتنا البريدية ليصلك كل جديد

Reyad · 22-02-2009, 02:29 PM

السلام عليكم , ارجو من اهل الخبره المساعده,,,

عندي امازون يلوناب عمره سنه , بينت عليه اعراض البرد , وطلعتله تفخه تحت عينه اليسار وايضا تفخه على خده اليمين , التفخه اللي تحت العين لما المسها احس داخلها ماي ( هذي التفخه غريبه مرات تروح ومرات ارد) , اما التفخه اللي بالخد كأنها كرة هواء , لما احكها من صوتها يدل على انها بس هواء , عطيت الطير مضاد حيوي الماني , والبيطري قالي موشرط تروح التفخات من المضاد يمكن تطول شوي , وفعلا الطير تعافى بس التفخات موجودين , المضاد الحيوي نسيت اسمه بس اهو صناعه المانيه , سائل ينحط بالماي. ارجو المساعده في ازالة هذي التفخات

قريت معلومه تقول ان (الفلامايسين) افضل شي حق هالشغلات ؟؟!!!!!

وشكرا

parro0ts · 22-02-2009, 03:32 PM

بصراحه انا مب خبيره في امراض الببغاوات بس تقريبا من متى ظهرت هاي النفخه الي في الخد و الي تحت العين ؟؟

مجنون عويشق · 22-02-2009, 05:03 PM

السلام عليكم ورحمة الله

اول شيء اخي ...الحمدلله على سلامة الطير ...

ولكن مافي شيء اسمه الفلامايسين ((الي هو erythromycin)) احسن شيء وهو يستخدم لأنواع كثيره من البكتيريا سواء القرام +ve او القرام -ve والكلاميديا ...

لان لابدنعرف ماهي اسباب الانتفاخات تلك !!!

والطريقه الصحيحه هي عمل مزرعه ....وهي نقوم بأخذ عينه من السوائل الموجوده في تلك الانتفاخات ..ونسوي مزرعه ...عشلان نعرف هل السبب الرئيسي بكتيريا .أولأ ...

ولكن وين بتحصل الي بيسوي لك هالشغله ((طبــعا مافيه))....ولكن انا اعرف شخص ..كان عنده كاسكو وطلع له مثل الورم في بطنه ...فقام هو وعمل مثل الجرح الصغير والورم بدأ يتلاشى ..ولكن لا اعلم صحة هذه الطريقه

بسأل لك ان شاء الله

تحيه طيبه

Reyad · 23-02-2009, 09:20 AM

يعطيك العافيه اخوي مجنون عويشق واختي parro0ts

انا شفت الدوا بالصيدليه مكتوب عليه الفلامايسين وهو مخصوص للحبش اي الرومي

المهم واحد من الشباب قالي ان هذي التفخات تصير مع اصابة الطير بالبرد , وفعلا اول ماحاشه برد وبدا يكنفش طلعتله هالتفخات ..!!!

ويريت احد يصححلنا المعلومه اذا فعلا اسم الدوا فلامايسين , وهل ينفعني في هالحاله ؟؟!!

بانتظار مشاركاتكم ,,

اخت parro0ts ,, صارلهم اسبوع .

Reyad · 23-02-2009, 09:23 AM

عدل كلامك يا اخونا حب استطلاع ,, الطير اصيب بالزكام بس الغريب اني لما وديته البيطري وحاول يشفط خشمه ماطلع معاه شي , وقالي (( دا مناخيروا نضاف أوي ) ))

انزين شنو برايك الحل ؟؟؟

استخدم الفلامايسين حق هالشغله واجرب والا في حل ثاني ؟؟

Reyad · 23-02-2009, 09:46 AM

انا عطيته مضاد حيوي ماعرف اسمه , الطير تعافى الحمدلله وصحته تمام بس الورمات ما راحو!!!

مجنون عويشق · 23-02-2009, 03:20 PM

اخوي حب استطلاع ..انا صيدلي وعارف في هالشغلات ..وانا ما اقول مافي شيء اسمه الفلامايسين ...انا اقول غير صحيح ان نحكم ونشخص ..ونقول بأن الدواء ذاك افضل للعلاج ...لابد نرعف سبب العلاج ..

وثاني شيء .....انا اتكلم علميا وعن خبره ولست اتكلم عن خبره ..لاتفقه شيء في مجال الادويه ...وقلت لكم استخدامت الاريثرومتايسين ...الي هو نفسه الفلامايسين ((اسم تجاري يختلف من مكان الى مكان ))..ويستخدم لاكثر من غرض وليس فقط للزكام واعراضه ...

اخوي رياض ...المشكله ..الورم قد يكون التهابات سابقه .....ولكن تقدر تستخدم مراهم ((للاستخدام البشري)).وهي متخصصه في ازالة الاورام ....في دواء اسمه reparil ...وهو لعلاج الاورام ....ضع منه بشكل خفيف ...وان شاء الله تكون حالته طيبه .

ولاتنسى المضاد الحيوي ..

تحيه طيبه

Reyad · 02-03-2009, 11:18 AM

ياجماعة هدوا شوي , علام صدورنا ضيقه ومانتحمل النقاش !!!
اخوي مجنون عويشق مكان الورم كله ريش وصعب جدا اكشف الجلد , الحين ابي الزبده , بأي مضاد حيوي تنصحني بما انك رجل صيدلي ومتخصص وانا أؤمن بالمتخصصين ,, وشكرا