عادت حليمه لعادتها القديمه

[Navigator 85]

يمكن تستغربون شوي من اسم الموضوع

انا ما صدقت القطوة الي عندي قامت تاكل اكل بيت

بعد ما قالت لي سيس مون على طريقه رهيبه

خليتها تاكل اكل البيت وتترك المعلب

بس هاليومين رفضت اكل البيت والي هو دجاج مسلوق

وماتبغي غير المعلب قلت يمكن تمللت من الدجاج جربت سلقت لها قطعه لحم

اليوم ورفضت تاكله وسئلت ناس يربون قطط من زمان وقالوا لي انهم يعطون قططهم اكل معلب

لان اكلهم وغير هاي ان القطط وايد يرفضون اكل البيت واحيانا ماعندهم وقت للطبخ

وحتى سئلت اجنبي وقال ان يعطي قططهم اكل معلب ماركه فبلكس وفريسكز و فانسي فيست

مع مراجعه الطبيب كل شهر ومافي خوف على القطط

والحين انا محتار وما اعرف شنو اسوي مع قطوتي

لانها مزاجيه واذا رفضت شئ مستحيل تاكله حتى لو تموت من الجوع

في انتظار ارائكم يا اهل الخبره

[عسوله وعلى اصولها]

الله يعينكــ بسـ



انت اول حطل لها المسلوق يعني ربع واخلطهـ مع المعلب وكل يوم عن يوم تكثر وبعدين خلاص بتتعود ان شاءاللهـ

[Navigator 85]

المشاركة الأصلية كتبت بواسطة عسوله وعلى اصولها

الله يعينكــ بسـ



انت اول حطل لها المسلوق يعني ربع واخلطهـ مع المعلب وكل يوم عن يوم تكثر وبعدين خلاص بتتعود ان شاءاللهـ

فعلا الاخت سيسي مون علمتني هاذي الحركه

وقامت تاكل دجاج مسلوق

وصار لها فتره متعوده على الكل البيت ومن يومين قامت ترفض اكل البيت

قلت يمكن ملت من الدجاج المسلوق وسويت لها لحم اليوم ورفضت

والحين ما اعرف شنو اسوي معاها

[sisi_moon]

ماعليه طبيعي القطط يملون من أكله معينه

اعطيها مثلا وجبه وحده بس معلب ..

او وجبه وحده بس دراي فود ..

او وجبه وحده مكس من الدراي فود والمعلب والدجاج ..

يعني نوعي لها كمن مره بالاسبوع عشان ماتمل

المعلب اوكي حلو ومفيييد لهم .. لكن كثرتهم في الغالب تسبب اسهال للقطط ..

الدراي فود .. لا مايأثر عالقطوووه .. الا اذا القطوه معها امساااك .. يمنع عنها هالاكل .. عشان مايزيد عليها الامسااك

أما الدجاج المسلوق مع الخضروات مايسبب اسهال .. واذا جاهم امسااك يساعد على علاجه وغير كذا أفيد لهم .. ويسمنهم اكثر ^^

[Navigator 85]

شكرا لج sisi_moon

على الرد وراح اعمل بنصيحتج وانوع لها بالاكل

وبالنسبه لماركه فريسكز و 9 لايفز وفيلكس هل هي ممتازه

المعلب والدراي فود لان مو متوفر الا هذول والويسكاس

ولاحظت ان اكلها قل يعني من امس الى اليوم الصبح ما اكلت غير وجبه واحده

مع اني ما زدت الكميه نفسها وكانت تاكل 3 وجبات ومن ناحيه اللعب تلعب

وكله تلحقني وتماوي مياو مياو وهي ما طالبه الزواج لاني اعرف صوت مواء الزواج

وهي من 5 ايام كان عندها وساخه في اذنها وديتها البيطري نظفها وعطاها ابره مضاد حيوي

وقطره للاذن بس كانت تاكل عادي من امس رفضت الدجاج المسلوق مثل ماذكرت حطيت لها اكل

معلب ونمت

وقبل شوي قمت ما اكلت منه الا شوي والقطوة مطعمه ومافيها اسهال ولا امساك سليمه

انا حاولت اذكر لكم كل شئ بالتفصيل

علشان تشخصون لي الحالة وتعرفون شنو مشكلتها

[أبوجمانه]

جرب أعطيها مثلا كل أسبوع وجبه معلب و إذا سوت شي صح كافئها بوجبه معلب
جرب إيش وراك

[Navigator 85]

اخوي أبوجمانه

ارجو انك تقرا عدل

القطوة من امس ما اكلت الا شوي

ورافضه الاكل حتى المعلبات

وهي حالتها الصحيه ممتازه

مافيها اسهال ولا امساك

[sisi_moon]

اها دامها رافضه الاكل ..

القطط بطبيعتها تجيها فتره تفقد شهيتها في الاكل .. اما تكون مريضه او تكون صحتها تمام بس تفقد شهيتهاا ..

ودام قطوتك صحتها تمام يعني مو مريضه

خلص اجل طبيعي اللي فيها اجل ..

بس زي ماقلت لج حاولي تنوعين لها بالاكل و أعطيها بعد زبادي وجبن مثلثات او سلايس

واعطيها فيتامين اورنيفيتاا .. فاتح الشهيه ..

وشوي شوي بترجع تاكل .. ^^

حطيت لها اكل

معلب ونمت

مو زين تخلين المعلب مده طويله .. لان بعد الربع ساعه بالكثير يتبكترر ويخررب ..

وجوعيها ست ساعات وعقب عطيها الوجبه ..

لان اذا كل شوي تعطينها شي تاكل .. مراح تاااكل لانها بتصير شبعانه

وبالنسبه لماركه فريسكز و 9 لايفز وفيلكس هل هي ممتازه

اي كويسه .. بس فانسي فيست أفضل .. لان لو قطوتج شيرازيه فـ الفانسي مخصص للشيرازي عشان يحافظ ع شعره اكثرر

[Navigator 85]

راح انوع لها في الاكل

وبما ان ما اكلت الظهر وجننتني

حتى النوم مانمت مثل الناس

لاني ماعرفت شنو فيها

ما راح احط لها الاكل الا فالليل الساعه 11

وراح اجرب الزبادي والجبن ان شالله تاكل

[sisi_moon]

لا عاد الساعه 11 بعيده شوي

الحين حاول تعطيها جبن وزبااادي ..

والساعه تسع في الليل اعطيها وجبه ..

وان شاءالله تاكل