كلبي يعضني ما الحل

[Icy]

السلام,
في اكثر من طريقه على حسب احتياجك وقدرتك, الاخوان ما قصروا بس بضيف اشياء احتمال تفيد احد ثاني بغير حاله كلبك.

اولا عليك معرفه ان العض لدى الجراء شيء طبيعي جدا بالفطرة, يلعبون بالعض مع بعضهم وهو الذي يحدد لاحقا شخصيه الكلب وكونه المسيطر على اخوانه الجراء .
ان كان الجرو يعضك, وضيفتك ان تعلمه ان لا يعضك انت, اما ان تعلمه ان لا يعض وهي شيء مناسب لكلاب البيت والزينه, لكن بما انه جيرمن فطريقه بو عزوز ممتازة جدااااا (مشكووووور) بهذا يتعلم الكلب انه ما يعضك وبنفس الوقت تطور الدرايف ماله بدون اعاقات.

بالنسبه لي واذا كان كلب بيت صغير او لا تريده للشتز او العض والشغل وتوابعه, تقدر تعلمه انه مايعضك اما بالنهر (توبيخ) خطوه للامام بجديه وانت تضرب الارض برجلك مع كلمه الامرابتعد او off , شي اخر ان تستخدم مسدس ماي مال الاطفال (الصغير مو رشاش قوي) وان عض ترشه رشتين مع ذكر كلمه الامر ابتعد(ترش الارض او مكان قريب منه) , شي مهم ان لا تستخدم طريقه الرش على طول, الماي طريقه لايقافه عند حده فقط ليعرف الصواب دون المحاوله لاخافته من الماء.


طريقه بو عزوز المحفزة ممتازه وخصوصا بعمر كلبك, او تقدر تستخدم لعبه تحركها جدامه فقط ليعرف ان انتباهه على اللعبه وليس ملابسك, جذي انت ما تمنعه من شي, لكن تحفزة على تغيير اتجاه مكان عضه. احذفها له بمسافه صغيره وخله ياخذها والمسه وكافئه بكلمات التشجيع.

في جلاب نشيطه وايد ويحبون اللعب ومن زود الفرحه و يبون يرحبون فيك ياتون لك ويبدؤون العض او اللحس او حتى القفز, هنا تاتي اهميه التدريب, تقدر تامرة بالجلوس والثبات وانت تقترب اليه بهدوء تنزل له وتلمسه وتحرره من الامر بدون حوسه, الى ان تقل درجه حماسه ولن يعضك لانك انت البادء بالترحيب به.


وهذي الطرق الي اعرفها, واذا في خطأ لا تترددون بالتصحيح.