سعادتي المُخدرات ربما .!!

[ناصـر]

المشاركة الأصلية كتبت بواسطة -= pink =-

اهلين نـاصـر


صارلك مده ما نزلت موضوع


عمومـا .. مرحبا بك مرة اخرى



..



بالنسـبه لي وايد اشيااء تسعدني

الككاو ( الشوكولاته ) احسها تسبب لي السعاده وحتى الحلاو

الافلام والمسلسلات .. احب اطالعها اذا ضاق خلقي وغالبا ما اشوفها في كل وقت لاني مدمنه تلفزيون وdvd

بس الحمدلله ما تصادفني وايد لحظات ان يضيق خلقي او احس بالحزن الا في حالات معينه اذا كنت مو مقدمه زين بالامتحان مثل اليوم

عمومـا

انا على نقيضك تماما

الايس كريم ما احبه ولا يجذبني .. احيانا اكله .. بس ما يشدني وايد

وتسلم عالموضوع

نعنبو بليسك ،، مافيه شيء مايسعدك .!!
أهنيــــــــك على هالنفسيـة الحديدية

طيب بنقلب الموضوع بالنسبة لك
ونخليــه شلون تجيب الحــزن .!!

بالنسبة لشوكلاه كنت وأنا صغير
يوم أكلها تجيني حكة بحلقي .!!

لا تسأليني شلون هذا اللي يصير : )

لكن الآن أنتهت هالمشكلة .!!


..

[ناصـر]

المشاركة الأصلية كتبت بواسطة Capt.HuSsEiN

بينما يدور الحديث حول الحزن و الشقاء و ننشغل بالمشاكل
فترتفع مؤشرات الحرارة و الضغط
تخرج لنا بموضوع نتسلى بقراءته فننسى الهموم
و نرتاح من أعباء هذه الدنيا قليلاً فكلنا بأمس الحاجة
للسعادة في هذا الزمن المتعب لنخفف من الضغوط النفسيه
و تذكرنا فيه بأجمل ما في الدنيا بعد الحب و هي السعادة
كلنا نسعد بالنجاح و كلنا نختلف في غيره من مسببات السعادة

اللي يسعدكم اخوي ناصـر و اختي -= pink =- يسعدني
(أقصد المثلجات و الكاكاو)
و أكثر ما يسعدني يمعة الأهل

و تسلم اخوي ناصر عالموضوع الشيق
---

شكراً على نُبل حديثك وأخلاقك .!!
بالفعل دائماً الاجتماعات الاُسرية جميلة

ومبعث رئيسي لسعادة لأجل طويل .!!
وتقوي كذلك الصلة بين أفراد العائلة


سعيد بمرورك : )

..

[ناصـر]

المشاركة الأصلية كتبت بواسطة كاردينيا

انا بموت بالمثلجات والكاكاو
ويسعدني التحدث مع اشخاص يفهموني ونضحك سويه
عموما في اشياء كثيره تسعدني بس انا حاليا حزينه جدا
لان اخواتي مشغولات بالامتحانات هذه الايام وانا اخلص اليوم بس شغل

انتم يالبنات كل شيء يسعدكم .!!
حتى الحش بخلق اللـــه : )

يالله الحزن لابد منه
عشان نحس بطعم السعادة .!!

وعفواً يانسايـــــة

..

[ناصـر]

المشاركة الأصلية كتبت بواسطة bruce

انا من الاشياء التي تجلب لي السعادة

الاكل بجميع انواعه

الاصدقاء

الرحلات

................


شكرا

شيء جميل .!!

عارف شلون تصيد السعادة

..

[anglo]

أخوي علوي ما توقعت إنك تسمع عالعموم أقولك إنها حرام

[البطريقه]

في اشياء وايد تسعدني وافرح بيها

بس اكثر شيء سوف يسعدني ويزيل الهم لم احصل عليه

[ناصـر]

المشاركة الأصلية كتبت بواسطة طير سارة

ناصر

باسكن روبنزك وعرفناه ما عليه كلام عظيم عظمة في حلقة

مقهور من الخمسة اللي يأخذها كل مرة

تراني كلمت روبنز يكلم ولده باسكن ويقنعه انه

يتنازل عن الخمسة ريال واحنا نجيب الكاسات والملاعق

والرجال وافق وتأكد من شخصيتي وقالي يو تو زوو قلت له ايه

( يقصد انت من ربع منتدي تو زوو ) ليتك تترك الترجمة لهلها

وقالي . يو نو .ناصر وكاردينيا والكابتن , قلت له ايه

واعرف حتي الاخت بنك هو الصراحة ما عرفها لانها ماتشتري من عنده

وبغت تخرب علينا الموضوع

بس طلع طيب ومشاهااااااا

قال لي خلاص فري ابشر بسعدك والكاسات علينا بعد



بس آآآآآآه على باسكن روبنزني يا ناصر

تعرف ايش ؟








الشيشة

وللناس فيما يعشقون مذاهب

هو صحيج مذهب لك عليه بس ماشي الحال

( لا تدققون واجد لا يصير روبنز احسن منكم هو مشاهاااا لي )

تحياتي

وعرفنا مذهبك ( الوسيع ) ياراعي الشيشه .!!
أوخ بس على الشيشة لها مزاج رايق بذات مع اعز الاصحاب : )


عاد أنا جدولي في الويك آند
لابد أن يكون يوم الاربعاء أو الخميس .!!

نمر ونسيــر على الشيشـــــة
واهنيك ياصديقي على هالمزاج الملكيّ

..

[ناصـر]

المشاركة الأصلية كتبت بواسطة النمر الجليدي

أسفرت و أنورت

يا ناصــر

أنت ما عندك إلا باسكن روبنز طيب وين ( كون زون )


أنا الإسكريم بالنسبة لي عادي


أما ألي يسعدني هو


رحلات المقناص


وأفرح إذا صدت أي حيوان



...

أفا ياصديقي ،، ولو كون زون مانسيناه .!!
لاحظ قلت ومن سار على دربــه


ولا يهمك انا عمي يموت على شيء
أسمه صحاري ويحب يغوص في اعماقها .!!

بضبط لك سفـــــرة معاه
راح يخلي جوك مليء بالسعادة الأبـديــة

ولو كم عندنا نمور : )

..

[ناصـر]

المشاركة الأصلية كتبت بواسطة مهووس الحيوانات

أنا استغربت لما قريت الموضوع ، لكن لما شفت ان الكاتب (ناصر) دخلت ...

لاتستغرب إبداً .!!


اصلاً فعلاً أنا مُدمــن




مُــدمن هواك وعاد الادمان عليك .!!
أشد من الكوكاين والهيـروين


..

[ناصـر]

المشاركة الأصلية كتبت بواسطة 3aloe

العنوان غريب توقعت الموضوع شي ثاني

المهم الله يسلمك اخوي ناصر انا اكثر شي يسعدني

ويطلعني من اي جو اكون فيه اهيا الاغاني

وبعدها اتوقع النت والافلام

علاوي

ياشين إساءة الظـن .!!
على بالك أنا وبنـــــــــــــك


بنسوي صفقــة مُخدرات وجاي
بالمكافحة المخدارت تبي تقبض علينا .!!

بنك يطلّع برأسها هالعلـــوم
لكن أنا بـــريء مــــرة ما أعرف هالعلوم

على العموم الله يسامحك
شوهت سمعتي قدام العالــم .!!

..