موضوع كاسكو شدني .....

[torpedo]

[COLOR="Blue"]اول شي السلام عليكم شباب ...وهذه من اولى مشاركاتي في هذا المنتدى المتميز باعضائه الذين اجبروني على المشاركه والمحاوره معهم في بعض المواضيع المتميزه التي تطور من خبراتنا في هذه المجالات . واعوذ بالله من كلمه انا من الاعضاء الجدد في هذا المنتدى واتمنا ان اكون خفيف الضل فيما بينكم ...وشكرا


وعندي موضوع حبيت ان اشارك فيه اليوم لانه حدث قبل كتابته ببضع ساعات...وبما اني منشد اتجاه طائر الكاسكو من كثر ما اسمع عنه لقد احببته ويرجع الفضل طبعنا لكم جميعا ....
زرت احد اصدقائي اليوم وصدفه اكتشفت ان عنده الكاسكو الذي احلم فيه من يومين وابتسمت وقلت له تقدر تيييب الطائر ابغي اشوفه رد عليه شو تبا فيه حشره وايد انصدمت من كلامه واصريت ان يحضره فلبى بطلبي وبدات اسمع اصوات غريبه يايه صوبي صريخ ونخير الصراحه اسغربت .وصل الريال وفي ايده القفص انا قلت هذا مب كاسكو ..ضحك الريال وقالي عيل شو هذا ؟ قتله هذا ذيب لو الطلعه بياكلنا ..ز ضحك وقل عادي متعودين عليه في البيت .. وبديت احاول اني اهدييه واتفلسف جدام الريل واطبق بعض السوالف الي قارنها في المنتدى والله لايراويكم القفص الى فيه وصخ والاكل كل مكان وخايس من الصبح وحطيته على البونيت يعني مقدمه السياره وخليته موازي النظر وبديت اجيس القفص واحرك الماء والاكل ماله وهو طبعا يصارخ من قمت راسه وقلت انا اكيد هذا مريض ولا حد مسو فيه شي لانه كل ما المس القفص يصارخ مثل الغراب ...ومادري شو الي خلاني اقول حق ربيعي بشله بوديه البيت وبرده المغرب ..وصلت البيت طبعا الصغاريه التمو واستووت المسرحيه وشردت من الصغاريه وفي بالي اشيا وايد ابغي اطبقها عليه ..اول شي حطيته على الطاوله وسحبتها وحطيتها في الزاويه نفس مب مكتوب في المنتدى
بالضبط لانه ماعرف شوسالفه هذا الطير وماعرف انا ليش يبته اصلا طلعت عنه يبتله احلا الفواكه وكان ودي احطله ماي ورد علشان يسكت بس وبديت اول شي انظف القفص الوصخ وابدل الماء والاكل وهو طبعا مب مفتكر فيني ويالس ايصارخ من قمت راسه ونا ابا اسكته باي طريق اليوم
وفكرت اني ادلعه زياده عن اللزوم وحطيتله الي يباه كل طير حتى امممم هذه العصا الى يوقف عليها بدلتها وعقب ماسويت جي بدا يتفاعل ويايه وبدا يستوعب اني انا مب صاحبه وانا مب يالس اضره يالس انفعه وبعدها خليته في الغرفه وطلعت وخليت التلفزيون شغال ورجعت عقب ساعه تقريبا ومادري شو الي ياب فكره اني اطلع الاكل والماي عنه وعقب ما طلعيت كل شي حاولت اني افهمه ويلست أأ شرله واصفرله وبدا يهدا شويه ويوم احاول اني المسه يبدايصارخ المهم هو هذا احسن عن قبل واتصور اذاتم عندي اكثر من يوم بشله على كتفي ....واتصل اربعي قال انا بطلع اذا بتيب الطير قتله اوكيه الحين ياينك المهم وصلت عند الريال واشوفه يضحك يقولي اذاك اكيد كرهته نفسي قتله بالعكس حبيت هذا الطير وبشتري واحد انشاله ...قل هذا حشره وايد عندي واحد ثاني داخل يتكلم ويصفر ويلعب وطبعنا هذا شكله ياينه جاهز قتله انزين عيل هذا شوفيه قالي اهلي كلهم ما حبونه ويلاعبون والثاني هو ماكل الجو طبعا وهني انا بغيت امد ايدي على صابي الصراحه اضايجت بشكل ما تتصوونه ولا يقولي هذا حاطينه في قفص حلو ومرتب في زاويت الصاله والحشره فارينه في ا لممر يمرون عليه في السنه احسنه وهني بديت اتنرفز زياده والمهم روحت البيت وانا يالس افكر في هذا الطير المسكين وقررت اني اخذه من صاحبه باي طريقه ...وباجر انشاله بحاول وياه وادعولي انه يوافق انه يفتك من الحشره الي نده ويستوي الدلوع المودب عندي انشاله وساوحوني اذا طولت عليكم بس الي فيني اكثر من هذا وادري انكم حسيتوا بنفس الشعور الى اناحسيت فيه والسلام عليم ورحمه الله......وشكرا على المرور ..[/COLOR]

[طير الفلا]

الله يوفقك وتنقذه منهم..

[@الزير@]

الله يوفقك بس انتبه لعمره وسلمت يداك على المجهود الي بذلته لتنقل مشاعرك

[غوغو]

مثل ماقالوا الشباب شوف عمره كم ، اذا وايد كبير بتتعب وياه من ناحية اللمس والشل لكن اتأكد انه بيتكلم

[وعـــد الهـــوى]

الله يوفقك

وانشالله يصير اللي تبغاه

[torpedo]

مشكورين شباب ..وعلى فكره كلمته اليوم بخصوصه) سوالي قصه قالي الطير مال اخو مرت اخوي قلت انزين مافي اي مشكله كلمه اذا بيبيع ...وبشوف انشاله ...وبحاول اقنعه بالوضع الي عندي في البيت وطريقتي في المحافظه على الطيور وانشاله ..في المرات اليايه بحط صور من الموجود الي عندي من انواع الطيور ومكان تربيتهم

[torpedo]

مشكورين شباب ..وعلى فكره كلمته اليوم بخصوصه) سوالي قصه قالي الطير مال اخو مرت اخوي قلت انزين مافي اي مشكله كلمه اذا بيبيع ...وبشوف انشاله ...وبحاول اقنعه بالوضع الي عندي في البيت وطريقتي في المحافظه على الطيور وانشاله ..في المرات اليايه بحط صور من الموجود الي عندي من انواع الطيور ومكان تربيتهم

[المدمر755]

عسا يوافق وتاخذة

[anglo]

تكلم عربي ما فهمت

[الببغاء الافريقي]

بالتوفيق ان شاء الله