سؤال لأهل مملكة البحرين....أرجو المساعده

[أبو يوسف]

ا

لسلام عليكم ورحمة الله


بدون مقدمات وعشان ما اطول.........


أنا ناوي انزل البحرين بس عشان اشتري أجهزه وأكل للسمك اللي عندي لأن أغلب الاجهزه والاكل اللي عندنا في السعودية صينية فاشله جدًا جدًا

فحبيت أسأل قبل ما انزل .........

1-هل عندكم في محلاتكم أكل حي او دود او جمبري مجفف و سخانات و فلاتر وأحواض من شركات محترمه يعني مو صينية وكيف الاسعار ...؟

2- وهو الاهم ... ممكن أسماء المحلات الكبرى ويا ليت اسم الشارع اللي عليه ؟؟

وأكون لكم من الشاكرين

شكرًا مقدمًا

[نياز]

[COLOR="Magenta"]مرحبا أخوي ..وهلا وسهلا فيك في ديرتك الثانية

في 3 محلات على شارع البديع لبيع جميع انواع السمك والاحواض والاجهزة والزينة وجميع مستلزمات السمك وأحواض الاسماك .. وفي محل منهم عند محل العجينة الذهبية على نفس الشارع يبيع جميع انواع الادوية لأمراض الاسماك ..وبأسعار مناسبة..

وانا خذيت الاحجار وبعض المستلزمات من مركز الانوار التجاري في توبلي على شارع الخدمات مقابل محطة البترول ..

وإي استفسارات ثانية احنا في الخدمة ..



وفي في مدينة عيسى على شارع توبلي وشارع جدعلي تقريبا 3 محلات لبيع السمك وانا خذيت حوضي 120 لتر من هنا ب60 دينار مع الأوكسجين والفلتر..

وفي في منطقة الجفير .. بس بصراحة هذا انا ما أدله عدل .. ما قط رحته ..[/COLOR]

[نياز]

وبالنسبة للأكل أخوي في الدود المجفف .. بس الحي مادري ما قط سألت عنه ولا استخدمته ..

وفي انواع كثيرة من الاكل لجميع انواع الاسماك عند المحل اللي قلت لك عليه يم مطعم العجينة الذهبية على شارع البديع

وبالتوفيق أخوي ..

[killer]

اخــوي نياز ماقصر معاك كلامه كله صح

[أبو يوسف]

مشكووووووووووورين وما قصرتوا أخواني

يعطيكم ألف ألف عافية

بس عسى هالاماكن اللي تكلمت عنها مو بعيده عن الجسر المشترك بين المملكتين ^_^

ومره ثانيه يعطيكم العافيه

بس تتوقعون عادي اشتري كم سمكه من البحرين وادخلها من الجمارك بدون مشاكل ؟؟ !!

شكرًا

[نياز]

هلا اخواني ..
الله يعافيك اخوي ابو يوسف ..

انا بنت مو ولد ؟؟؟؟؟؟؟؟؟؟؟؟؟

وبخصوص البعد هههههههههههههه كل مكان قريب منك انت في البحرين .. فديت البحرين واهلها

وبخصوص الجمارك والله اخوي ما عندي فكرة .. انشالله الاخوان ما راح يقصرون معاك وانا بحاول أسأل لك .. بس إذا تبي رأيي انا اشوف انك تاخذ السمك من عندكم احسن عشان ما يتعبك وتحس روحك مقيد وبالخصوص إذا راح تجي بالسيارة ولان السمك يتعب في الحركة الحركة المستمرة واحتمال تصيدة صدمة ويموت وما يطول عندك؟؟

وما أعتقد تقدر تاخذ كمية كبيرة وين بتحطهم ؟؟؟؟؟؟؟؟؟

وحاضرين اخوي >>>ومو معقولة نشوف اسم البحرين وما ندخل >>>>هههههه

وبالتوفيق ..

[أبو يوسف]

ههههههههه احراااج هههههههه ...... وش كبري ما اعرف افرق بين الولد والبنت ^_^ أنا آآسف

أصلا الغلط من المنتدى ... مفروض يحطوا تحت اسمك هاويه مو هاوي ولا ؟؟

وحتى اخوي killer قال <<اخــوي نياز ماقصر معاك كلامه كله صح>> (أخوي) يعني لا تلوميني *_^

وبخصوص النقل ..... يبيعون عندك ماتور هوا بالبطارية ؟؟
وحتى لو النقل صعب احب السمك البحريني انا ههههههه

وحتى انا فديت البحرين واهلها

شكرًا

[نياز]

ههههههه عادي اخوي صار خير ....

اخوي انا اليوم شفت ردك .. لو شايفته امس كان سألت لك >>>>>>رايحة تاخذ لها سمك

[أبو يوسف]

المشاركة الأصلية كتبت بواسطة نياز

ههههههه عادي اخوي صار خير ....

اخوي انا اليوم شفت ردك .. لو شايفته امس كان سألت لك >>>>>>رايحة تاخذ لها سمك

ليه ليه ليه حرام عليك

تبين تخلصين السمك قبل ما اجي ؟؟!!

عساك اشتريتي كلاون فيش؟؟ .... في أحد المواضيع سألتي عنه ........ يعني اذا اشتريتي ممكن اعرف من وين وكم السعر ؟؟

وأي سؤال آخر يطري في بالي باسألك ههههه<<<< أقول البنت ما عندها الا انت ههههههه
امزح

على العموم شووكرًا على تواصلك اختي

[نياز]

هلا أخوي..

لا والله للأسف ما حصلت الكلاون .. وانا حوضي مياه عذبه .. والكلاون يعيش في المياه المالحة >>>على حظي


ذكرتني بزوجي >>يقول لي مستحيل تدخلين محل بدون ما تشترين سمك >>>>حتى لو رايحة حق شي ثاني ههههههه
وأخوي السمك ما يخلص في البحرين عندنا خير >>>