هامستري وهامسترتي ..

[راعي الرخويات]

السلام عليكم ..

.
.
.
.
كيفكم وشو أخباركم ؟

اليوم الصبح طلعت الأفص تبع الهامسترات على البلكون ولا البرندا ما بعرف انتو شو بتسموها..
المهم لأن كان بدي نضفلون الأفص ..حطيت الأفص بكرتونة كبيرة كتير عشان لما أسحب الأرضية ما يهربوا لبرة ..وحطيت جوا الكرتونة جريدة..
فالمهم طلعوا بالكرتونة وصاروا يلعبوا ويتمشوا..
ونضفتلون الأفص..
بس صراحة في شغلتين دايئوني..كتير
وخايف انو يشكلوا خطر على الهامسترات ..
الهامستر الذكر أكل نص الجريدة اللي انا حاططها ..فهل بتشكل خطر عصحتو؟
والهامستر البنت هي يمكن حامل ..كنت حاملها بإيدي ونطت منها وتشئلبت و وئعت عضهرها
يعني وئعت عالسكة اللي بيمشي عليها الباب تبع البرندا..
صارت تفرك إيديها وتطلع صوت
والله حسيت ألبي رح يوئف ..
بس رجعت تمشي عادي وتركد وتلعب وتاكل عادي ..
فمابعرف ازا هالشي بيأسر على الأولاد ..
أو عليها لبعدين !!
ورجعتهم عالأفص..
بتمنى تجاوبوني وتطمنولي ألبي المسكين والطيب ..
وشكراً ,,