ابا استفسر عن الرش

[شيط ميط]

السلام عليكم

انا عندي قط ذكر عمره 5 شهور تقريبا

ومن فترة سمعت انه القط الذكر يمر بمرحلة اسمها الرش او اطلاق ريحة كريهة , حابة اعرف اكثر عن الرش وعن الفترات الي يبدا يرش فيها وكيف اتجنب هالمشكلة من البداية او قبل ما تبدا ..


دخلييييلكم ساااعدووني لانه اخاف اهلي يطلبون اني اتخلى عنه لما يطلق روايح وانا ما ابا اتخلى عنه

[شيط ميط]

ما في حد !!!!!!

[sisi_moon]

جيبي له انثى وان شاءالله مايطلع رييحه

او تسوين له عمليه اخصااء

هذا الحلين الوحيييييدين

[sweet dreams]

مشكورة اختي سيسي مون بس اعتقد انو في خيار ثالث ممكن يريحك من المشكلة مؤقتا وهو الذهاب الى البيطري لاعطائه ابره ليعود طبيعا ويفقد الرغبة في التزاوج مؤقتا..او ان تحضري له انثى او عملية اخصاء كما تفضلت اختي ولا تنسي تخبرينا شو قررتي

[شيط ميط]

مشكوريين و ما تقصرون ..
يعني القط ما يرش الا اذا كان يبغي يتزوج ؟؟!!
و إذا سويت له العمليه الحين و هو خمس شهور ما بقدر ازوجه عقب و لا عادي يقدر يتزوج بعد العمليه ؟

و ياليت لو حد يعرف اسم العمليه بالنقليزي يكتبلي اياه لان البيطري الي اروحه ما في حد يتكلم عربي

[قطة سيامية]

بيكون بدو يتزوج الله يعينك عليه وعلى رشو

[شيط ميط]

حبوبه هو بعده ما يرش بس انا حبيت اعرف عن الرش قبل ما يبدا الرش واذا كان له حل ..
ع العموم اشكرج ع مرورج ^^

[Dominique]

حبوبة شوفي

الرش يعني

لما القط يوصل لسن البلوغ وهو سن التزاوج تقريبا لما يصير عمره 7 او 8 اشهر

يرش البول في مناطق معينة في البيت يكون اهو محددها للتزاوج

ولو ما لقى قطة للتزاوج راح يستمر يرش بالبيت كله الى ان ينتهي موسم التزاوج

فالحل مثل ماقالولج

يا انج تييبينله انثى وتظل معاه يتزاوج معااه في كل موسم

او انج تعطينه ابرة تفقده الرغبة بالتزاوج مؤقتا

او انج تسوينله اخصاء

وطبعا الدكتور ماراح يسوي العملية الا اذا بلغ قطوج

انا دمدم بلغ مبجر عمره كان 6 او 7 شهور

وسويتله العملية على طول

اعتقد اسمها " كاستريشن " مو متذكرة بالضبط

هالكلام قبل سنةونص

ولا تحاتين

بعد العملية بيوم واحد يرجع طبيعي ولا كأن فيه شي
وحتى اثر العملية مايبين

طبعا يروح العملية مو شارب ماي ولا ماكل لمدة لاتقل عن8ساعات

يعني صايم



شوفي شنو اللي يناسبج وبالوقت المناسب


ميرسي
.
.
.

[شيط ميط]

يعني العمليه اذا سويتها و بعدين لو زوجته عادي يقدر يتزوج و انثى عادي تجيب منه عيال صح ؟؟
و اشكرج dominique
بصرااحه ما تقصيرين ^__^
و الله يخليلج دمدم يارب

[B7R]

معذرهـ منكـ ياشيط..

هل الأنثى ترش ولا الذكر بس؟
يعني لـو أفكـر اشـتري..وانا مابي عيال ولا زواج

آخذ انثى أريح لي؟


ويعطيكم العوافي