ابي حل لقطوي

[lailak222]

السلام عليكم


عندي مشكله مع اني ربيت قطاوه وايد بس ماقط صار لي نفس هل شي من قبل

عندي قطو متبنيته ووايد يحب يلعب والمشكله انه يلعب بدفاشه يعني يعض من قلب ويهاجم كانه متهاوش وتعبت وانا اهديه لكن مافي فايده واول مره تصير لي هل مشكلة مع اني تبنيت وايد بس هذا القطو غريب وحتى بيتنا متاذيين منه ودايماً من يشوف حد يمشي ينط على ثيابه او رجلهم
أرجوا انه تساعدوني مع هذا القط مع العلم بأن عمره تقريباً 3 شهور وانا يوم اتبناه كان عمره شهر ونص تقريباً يعني صغير


أرجو الرد علي واعطائي حل لاني تعبت منه ويدي كلها مجرحه منه

[PINK COCKATOO]

السلآم عليكم ..
انا كمـان نفس مشكلتك .. قطو لاقينه بالشارع اول ماجبنااه كان مره صغير (شهرين)
وربينه .. والان عمره 3 او 4 شهور < مو متأكده ..
والصرااحه صايرر مرره شرس ويعض اي احد قدامه .. ومايحب احد يمسكه ولا يشيله ..بس ليه ما اعرف ...
وانتمى من الي عنده خبره يساعدونك

[Black Diamond]

السلام عليكم

زفيه او صارخي عليه حسسيه انه انتي زعلانه منة

ان شاء الله اكون افتدكم

اختكم Black Diamond

[Withered Rose]

عادي هذي مشاكل مؤقته ..
القطط السياميه مثلا او المحليه تتميز بكثرة اللعب و رشاقة الحركه و هذا طبعها و راح يخف يصورة كبيرة لما يكبر .. و بعضهم يختفي مره وحده هذا السلوك ..
قصي مخالبه كل ما نموا .. عطيه الألعاب الخاصة بالقطط .. راح تتخلصين من هذه المشكله .. انا اعتبرها ميزه و تدل على ذكاء القط

[lailak222]

مشكورين على الردود

انا اقص مخالبه فيعض وبقوه وساعات من قوة العضه يطلع الدم في بعض الاحيان تعبني بصراحه

[لميـــــــــــــا]

انا قطوتي بكي فيس

وكبيره 9 شهور


لما تلعب تعض بقوه
ولما امشي
تعضعض رجليني

وتخشنييييييييي






ومافاد معاها لا مويه ولا ضرب ولا هواش

[لميـــــــــــــا]

بلعكس لما اضربها او اهاوشها تهاجمني

وتضربني وتنحاش

واذا هاوشتها بقوه

تقول
خخخخخخخخخخ



مدري صوت القطوات


يعني

متوحشه وتاخذ حقتها
ووياويل الي يقرب منها لوووووووووووول فديتها

[prensesa]

السلام عليكم

مثل ما قال Black Diamond

استعملي العقاب معاها مع نبرة الصوت الحادة

يعنى لما تتصرف التصرف العدواني اضربيها ضربة بسيطة جدا جدا جدا على راسها (لا تقولون اني ظالمة) لاني اتبع الاسلوب مع قططي وترى يحبوني وموتون علي

ومن مدة اسبوعين دخلت علينا قطوة زي الامر تلعب وتهبل ولكن لما دخلتها مع القطط اللي عندي صارت وحشية وبس تعض وتطلع الصوت (خخخخخخخخخخخخ) اللي تقولين عليها وتضرب القطط الصغار


فاتبعت معها اسلوب العقاب ولما اشوفها تضرب القطط اضربها .ولما اشوفها قاعده بروحها امسح عليها احاول العب معها وهي مره تلعب معاي ومرة تحاول تعضني.... والحين اهي من اروع ما يمكن - لا وتلعب مع الصغار

بس مثل ما قلت مرة الترهيب ومرة الترغيب راح تصير كويسة -- الله وياك

[@$%rory%$@]

صراحه انا ما اشجع الصراخ والصوت العالي اذا كانت مهتاجه لانها راح تخاف وتهتاج اكثر حاولي تبعدين عنها وماتناظرينها بتحس بالذنب وتهدا ولما تهدا مثل ما قالت prensesa
وبعدين جربي معها العقاب اللي prensesa تقول عنو لانها راح تحس انك بتكرهينها لما تسوي غلط وبتتادب عشان ترضيك
صراحه انا ماقد هاجمني قطو بس مرات ينفر مني واسوي كذا ويصير يتقرب مني
اه قبل لا انسى سويله مكافأه اذا سوى اللي تبين عشان يعرف انو صح يعني عطيه اكل مثلا او لعبه لان القطو شوي مغرور واناني قلبي فديته

[نونا]

لاضرب ولامويه ولايحزنون هو اللي بيزيد الوضع سوء ويعتبرك عدوه له وياخذ موقف دفاعي كل ماقربتي منه
كانت عندي قطوه كذا بالضبط ماامشي من جنبها الا تنط على رجلي تعضني عصبيه حدها
وأستعملت معها أسلوب الضرب الخفيف مع النبره الحاده وللأسف زادت وصارت عصبيه أكثر
أنتبهي أختي..وتداركي المشكله قبل ماتكبر معه..بعض القطط للأسف فيها عدوانيه..
مثلنا حنا يالبشر كل شخص له طبع..لكن أن شاءالله اللي عندك تنفع معه الحلول دامه صغير
أول شي لاتلعبينه أبد فقط أشتري له ألعاب خاصه الكور اللي فيها جرس يحبونها وخليه يلعب مع نفسه أو مع القطط الأخرى أو لو أصريتي لعبيه بين وفتره وفتره ولوقت قصير وأنتبهي أنتبهي تلعبينه بشده وعنف أو بيدك بكذا يتعود على العض... أبعديه عن الأجواء المتوتره أو الضوضاء والأطفال..حاولي كل ماشفتيه رايق وجاي يتدلع عندك أو نايم مسحي عليه وكلميه بنبره هاديه...