كوكاتو سلفر مزعج

[بو يزيد]

السلام عليكم
عندي ببغاء كوكاتو سلفر مزعج لما اخليه في الصالة وحده ورح انام
يجلس يصيحة حتى اجي ولا اذا طلعت مشوار يصيح حتي يتصلوا عليا الجيران
يقولوا الببغاء حقكم عندة مشكلة المهم اجي عندة يهدء ويلعب
يعني ما يحب يجلس وحدة

وش الحل معاه وانتم عرفين ازعاج الكوكاتو مايحتاج

[تركي111]

حط له اي شي يشغله ويلتهي فيه ..

والا خله يتعود ع اللي ف البيت عشان ياخذ عليهم.



موفق

[بو يزيد]

المشكلة أنا وحيد في البيت

[تركي111]

اهااه والله مشكله كذا احيانن بعض الطيور تصيبه الوحدة
ويتقلب مزاجه وكذا .
زي واحد جابلي امزووني تعبان وحالته حاله وصراخه كثير
بسبب انه حاطة لوحدة في استراحه ودوامه شفتات وتقلب مزاجيه الطير


بالتوفبق واسفين ع الاطاااله

[الطرف زوو]

جيب له انثى ان كان ذكر او العكس


الاقتراح الثاني ***********

[روهلات المعالي]

انا أعاني من نفس المشكلة مع ببغائي (الكوكاتوا سليفر ستيد)

لدرجة إني وقت الليل اغلاق الأنوار واغطي القفص لإنه يصيح ويصحي الي في البيت

[تشآرلي]

وعليكم السلام ورحمة الله وبركاته

هذي المشاكل دائما تصادف المربين والسبب الرئيسي

اقتناء طير دون مراجعة اسلوب الطير ومدى ازعاجه ,

فقط النظر الي الاشياء الايجابيه من شكل وحركات الطير

الحل الاول : محاولة تقبل الاوضع والتكيف عليه ,

والعمل مع تدريبات لكي يقل صراخه وهذا شي صعب جدا انه يوقف لانه هذي هيا طبيعته ,

مثل الكاسكو مانقدر نحرمه من التصفير ,

الحل الثاني : أو تفكر بالاستغناء عنه .


ولا تجبره على التغطيه واقفال الاضواء مده طويله ليست بوقت نومه

لان الطير بيحاول انه ياذي نفسه وهذا مالا نتمناه .

[كاسكـــو]

اعمل مثل ماعملت انا

انا ياعزيزي بعت الكوكاتو حقي بسبب ازعاجه هههههه

[بو يزيد]

اخترت الحل الثاني
والله ولي التوفيق