تكفون ساعدوني على استفسار عن الكاسكو

[مكاوية]

ههههههه جبنا لنفسنا التعب والقلق
المهم خلال يوم واحد شفت نتيجه حلوه ورح استمر عليها ان شاء الله
كنت رح اسوي مثل الاخ سكر اني الفه بفوطه بس قلت خليه يتعود علي اول طبعا من بعد حادثة الحبس كارهني وكل ما اقرب منه يجعر مع اني ما حبسته مره ثانيه ومخليته برا القفص
اليوم اخذت صحن الاكل من القفص وخليته يجوع شلت الاكل منه العصر وكل 10 دقايق اعطيه حبه من يدي من الحب وابتسم له واناديه بأسمه واروح من عنده شوي وارجع احط يدي على راسه بالبدايه يجعر بس استمريت بالحك على راسه وحول عينه يسكت خليته بدون اكل الين الساعه 10 بالليل وانا كل شوي اعطيه حبه بس وامسح على راسه واروح الين شفته ينزل تحت القفص ويدور على الاكل في مكان الوسخ الله يكرمكم وقتها
جبت فوطه لفيتها على يدي لأني ناويه اخليه يطلع على يدي وحطيت الفوطه لأن اظافره طويله من جبته ما قصيتها واخذت فول سوداني وصايره اغريه عاد بدأ يحط رجل وحده على يدي عشان يوصل للفول السوداني ويرجع طولت المده وانا اغريه وهو يحاول بعدين حطيت بكف يدي كميه كبيره من الحب وخليته ياكل بيدي ما خليته يكمل سحبت يدي
واستمريت بالحركه هذي الين بدأ يحاوول عاد انا وقتها اعطيته الفول السوداني مكافأه على محاولته وابتسمت له واناديه بأسمه وامسح براسه تفاجأت انه تقبل مني بدون تجعير
نزلت القفص بالارض وتفاجأت انه يتحرك ويدور بأطراف القفص ويصفر وانا جالسه قدامه يجي يقابل وجهي ويصفر ويرجع يدور خليته نص ساعه ياخذ راحته وينزل للأرض مع انه ما كان يسويها
بعدها رجعته ورفعت القفص هدء شوي بس شغلت مقطع صوت تصفير وبدأ يحاول يقلدهم وحطيت له فيتامين في المويه لأول مره وخليته لحاله تفاجأت انه يحاول بالقوه يخرج تصفير
الصراحه انبسطت وحسيت انه ولدي يبي ينطق هههههه
اسفه طولت بس قلت لكم رح اقولكم اخر التطورات وياريت اي اقتراحات تقولونها لي اسويها معاه
وبالنسبه لدلعي يتعبك جربي هالخطوه وشوفي وش يصير معاكي وابلغيني اخر تطوراتك