انثى الكناري رجعت مرضت، سؤال للدكتور خالد

[rhabash]

مرحباً!!

كان عندي انثى إلها حالة عسر بيض وفيها مرض تنفسي، المهم انا أعطيتها سيفروكسيم لمدة 10 ايام بحسب النصيحة، وفعلا خفت وطابت ورجعت دخلت الذكر بعد ما تحسنت وبسرعة بنت العش وباضت....

المشكلة اليوم لاقيت نفسها فيه خرخشة، والذكر نفس الشي، صرت اشك بالفاش بس وتزكية بنفس الوقت انها خفت مع الدوا الي قبل وانا شقت النتيجة 100٪ وانا حطيت للذكر نفس الدوا عشانو كان معها بنفس الفترة..... وما كان في مشاكل.. بديت ألوا 17/4 وخلصت 29 الشهر احتياطا بس.... وبعدة حطيت بيض للأنثى ودخلت الذكر وباضت....

هلأ مش عارف شو اعمل، احطلهم ايفرمكتين عالرقبة شكلي واغسل القفص احتياطا بس؟ولا ارجع جرعة السيفروكسيم؟
ولا احط ليمون وتوم، مع العلم ما بعرضهم لأي تيارات، وعندي بنفس الغرفة زوج تاني ما فيه مشاكل وذكر لوحدو وضعو كويس .... فما اتوقع من تيارات والجو معتدل بالغرفة.....،

واشي غريب صار اليوم انو في بيضة مختفية من بيضاتهم مع اني بحط لهم بيض مسلوق.....

مع الشكر الجزيل

*

[Dr Khaled]

و عليكم السلام و رحمة الله و بركاته

أخي الكريم قبل الإتهام بالفاش يجب التأكد من وجوده في القفص إذا كان موجود تحارب الفاش بما هو متعارف عليه ....

أما إذا كانت الأعراض ذاتها فيجب العلاج المطول لمدة 20 يوم كاملة

علماً أن الزوجين يعانيين من سوء تغذية و خصوصاً الأنثى
لذا الفصل الحل لهم و لا تفكر في تزويجهم قبل 3 أشهر من اليوم
و طوال هذه المدة تقوم على التغذية الصحيحة و السليمة و التهيئة المثالية ....
إختفاء البيضة أكبر دليل على عدم صحة وضعهم الصحي و البنية الجسدية لذا لا يفضل التازوج فيما بينهم

[rhabash]

شكرا عالنصيحة دكتور،،،

ح افضلهم عن بعض برضو بنضفةالعش، انا قصدي على فاش الرئتين دكتور مش فاش الجسم

اما التغذية بحط لهم تمر وخس وتفاح وبيض...

زيهم زي الجوز التاني، بس سبحان الله هالامور ما حد بقدر يعرف رح افصلهم واعالجهم ٢٠ يوم مش مشكلة وبحط البيض تحت الأنثى التانية ... الجوز التاني فرخ وهلا كمان مرة باضت لأنثى وقاعدة عالعش... فما متوقع مشكلة تغذية والله اعلم....

مشكور دكتور عالنصيحة....

ورح هلأ افصل بينهم

وبخبرك شو بيصير معي

وعليكم السلام

[Dr Khaled]

أخي الأمراض التنفسية أحياناً يكون هنالك إعادة عدوى أي إنتكاسة مرضية بحيث أن الطير أو الكائن لم يشفى تماماً لبلوغ المرض درجة كبيرة منه....

إذا كان اليوم الرابع بدون تحسن ملحوظ عليك بإستخدام مضاد حيوي آخر بعد يومين راحة من الدواء بحيث
تركبيته هي كلارثيومايسيين عيار 250 ملغم تطحن ثلث الحبة و تذوبها في ماء المشربية كما سبق و تعلمت ....

و تستمر لمدة 15 يوم متواصلة ...

تتوقف تماماً عن تقديم التمر و الفواكة و الخضار
و إذا تم الشفاء لا تفكر في الإكثار منهم إلا القليل و الأفضل أوراق الفجل و الجرير فقط أو الملفوف.

[rhabash]

مشكور دكتور، هم اول مرة تقريبا اليوم السابع تم التحسن...

لأني انتبهت للموضوع وحظيت الدوا زيادة يومين.... ان شاء الله خير،

مشكور على وقتك معنا دكتور خالد..

الله يعطيك العافية ويجازيك كل خير.