مشااكل في الهاسكي .. ارجو المساعده من الخبراء

[Nona999]

وعليكم السلام ورحمة الله وبركاته

اخوي قبل كل شي كان من المفروض يوم انك خططت تشتري كلب كبير كان دورت كلب صاحبه مهتم فيه فـ الاخير صحة الكلب من صغره مهمه

ماعلينا المهم انك اخذت الكلب ومبين انك شخص مهتم وحريص وراح تاخذ اجره بإذن الله وبيكون لك افضل كلب

قبل الديدان هل صاحب الكلب اكمل تطعيمات الكلب ؟ وهل كان منتظم فيها ؟ لانها مهمه وايد

1- بخصوص الديدان يفضل ماتأجل الموضوع وتوديه للبيطري يعطيه ادويه للديدان وتنتظم عليها انت بعدين

2- بالنسبه للاكل شي طبيعي ماياكل لانك غيرت نظام غذائه فجأه وهذا غلط

يفضل حالياً التدرج بتغيير النظام الغذائي بحيث انك تخلط اكل البيت بالدراي فود على ثلاث ايام " ممكن تواجه صعوبه لان طعم اكل المنزل افضل من الدراي فود "مثلاً

اول يوم / 70٪ اكل منزل ،، 30٪ دراي فود تخلطه له

ثاني يوم / 50٪ اكل منزل ،، 50٪ دراي فود وتخلطهم

ثالث يوم / 30٪ اكل منزل ،، 70٪ دراي فود تخلطهم

رابع يوم / دراي فود ويفضل تسلق له كبد دجاج او دجاج وتخلطه وتعطيه مفيد ويفتح شهيته للاكل

قد تواجه اول ثلاث ايام اسهال " اعزك الله " وذلك بسبب تغير النظام الغذائي لاداعي للقلق الا اذا استمر اكثر من ثلاث ايام

3- وبخصوص اللعب بالماء هذا تعبير عن ان الكلب حران ويبي يبرد ع نفسه يفضل تحط له مكيف

وتنظم جدولك وتضيف اوقاته لك مثلا

تنظم وقت خروجه اي انه مايكون مفلوت ف البيت 24 ساعه

تحطه فـ غرفه مكيفه وتطلعه الصباح لان الجو يكون كويس الظهريه تدخله للغرفه وتعطيه اكله وتتركه للعصر وبعدين تقدر تطلعه تاخذه للنزهه بالليش وتتركه لليل لساعه معينه وتدخله

فوائد تنظيم وقته :

يكون الكلب متزن وعارف الروتين وعارف اسلوبك بعد وينشأ كلب صحي ونظيف

الكلب عمره سنه وثلاث شهور ولا انا غلطانه ؟

اذا عمره سنه وثلاث شهور فالكلي ليس بمرحله تسنين وقد تعدى هذه المرحله
واي سؤال اخر لاتتردد

لك كل الاحترام والتقدير

موفق