هلا فيك عاشق
يا عزيزي ممكن أكون مبتدئ في تربية الهامستر لكني مو جاهل بأصول التربية
لولا ثقتي بقوة العلاقة بيني وبين الأم ما تجرأت أمسك عيالها.. وعندي غيرها ثنتين إناث لو جابوا عيال مستحيل أفكر أمسك عيالهم لأن علاقتي فيهم عادية وممكن يخافون ويتوترون مني بعكس الأنثى ذي مستحيل تخاف مني أو تعضني بالعكس ما تاكل إلا من يدي وأحيان تنام في يدي وواضح إنها حاسة بالأمان بعكس البقية اللي لو حطيتهم في يدي دايم يحاولون يهربون!
وأنا متعود من اليوم الأول أشيل البيبيز عشان أرتب مكانهم وأزيل قطع المناديل الطويلة من حولهم عشان ما تلتف حولهم وتخنقهم أو تشوه قوائمهم.. وبعد كذا أمد يدي وفيها العيال وأخلي الأم تاخذهم من يدي وترجعهم في العش وتكمل هي ترتيب مركز العش بدون ما تبدي أي قلق أو تغير في المزاج
واللي أعرفه ان الكثير من المربين يمر في تاريخهم ع الأقل أنثى واحدة تكون علاقتهم معها قوية لدرجة إنه إذا سافر أو غاب عنها يومين تتوتر ويتغير مزاجها
يالنسبة لترك العش أنا ما ذكرت إنها تخلت عن العيال أنا أقصد إنها صارت متوترة وتركض في القفص كثير وتعض وتحاول تطلع وهذي أنا متأكد إنها من أعراض الحمل.. كمان بسبب انتشار القذارة والفضلات في القفص لدرجة ان الحشرات بدأ تتجمع حولها
.. وأبشرك أمس بالليل غيرت القفص كله وحطيتهم في قفص أوسع شوي بدون كوخ والنشارة جديدة وأكل جديد مع قليل من مناديل العش الأول.. والحمدلله رجعت لها حالة الاطمئنان =)
وشكراً ع النصيحة أكيد ما رح أكرر غلطة إدخال الذكر ع أنثى توها والدة
13-02-2012, 02:43 AM
العرض الشجري
