مشروع الدجاج استفسارات

[صمت الأمل]

وعليكم السلام ورحمة اللهـ وبركاتهـ .


يا أهلا وسهلا فيكـ أخي معنا ..


راح نجاوب لكـ على اسألتكـ وان شاء اللهـ مايصير الا الخير .

س/ هل مشروع الدجاج مربح ماديا ( كمشروع صغير مثلا: ثلاث دجاجات وديك)

اذا عندكـ فقاسهـ جاهزهـ للإستخدام راح يمشي مشروعكـ بشكل أسرع وأكبر ..


بينما اذا اعتمدت عليهم فقط للإنتاج فراح يكون تقدمكـ ضعيف نسبيا لهالعدد .

س/ هل تغذيتها تفرق كثير عن تغذية الدجاج العادي؟

تقصد الكميهـ ؟؟ ايهـ نعم الكميهـ أكثر بقليل لأن البراهما حجمهـ ضخم .


اذا تقصد النوعيهـ فعادي مثلهـ مثل الدجاج العادي , علف اراسكو أو من بقايا البيت أو حبوب أنت تشتريها بنفسكـ .

س/ هل هذا النوع من الدجاج مطلوب بالسوق ؟

نعم مطلوب ,, خصوصا لو كانو بشاير أو فراخ .. وبمستوى نقي .

س/ هل هو مكلف المشروع بغض النظر عن قيمة الدجاج ؟

كل مشروع يحتاج رأس مال سواء كبير او صغير ..


أعتقد اكثر شيء بيكلفكـ هو الفقاسهـ لو لسى ما اشتريتها ..


تقدر لو تعرف لأحد من اصحابكـ عندهـ فقاسهـ تاخذها سلف وتشوف هل بتنجح بهالمشروع أم لأ !!

س/ اذا كان مكلف كم تقدير قيمته بالريال السعودي ؟ * هذا السؤال مهم*

حسب قدرتكـ الماديهـ واستطاعتكـ ..


اذا انت مستعد تشتري مستوى ممتاز وفقاسهـ فان شاء اللهـ ربي يعوضكـ اللي دفعتهـ فيهم في مكسبهم بالإنتاج ..

س/ هل هذه النوعية من الدجاج حساسة او كالدجاج العادي تتحمل ؟

تربيتهـ ونظامهـ مثل الدجاج البلدي , وهالنوع يتحمل البرودهـ بشكل ممتاز ,, بينما الحرارهـ لااازم تساعدها في تحملهـ لأن ريشهم كثيف .


اتركـ المكان عندهم دائم التهويهـ ,, رش الأرض بالماء ,, وفر لهم الماء النظيف دائما ..

ارجوا الاجابة على الاسئلة من ذوي الخبرة او حتى من التجربة الشخصية
اي سؤال جاوبوا مو لازم كل السئلة اللي تقدر عليه دمتم بود

أعتقد تم الرد عليها جميعا .


لكن نصيحهـ مني اذا أنت جاد بالمشروع وراح تمشي فيهـ .. فاللهـ يوفقكـ أولا وأخيرا ..


لازم تشتري دجاج محصن وتبدأ مع الفراخ اللي بتفقس تحصينات كاملهـ ..


أولا لأنها دجاج زينهـ وخسارتهم مكلفهـ .. ثانيا يرتفع سعرهم بعد التحصين .


وأي سؤال ان شاء اللهـ نجاوبكـ عليهـ .