نصايحكم لي .. شريت أمازون

[ابو فيصــل]

اخوي تقدر تستغني عن الكريكر بولاعه عاديه تطلع نفس الصوت
وانا اشوف ان الشغله كلها مو محتاجه خله على راحته فتره طويله شهر شهرين لاتستعجل اهم شي تصبر وتخليه يحبك وبعدها صدقني اي حركه من ايدك او من صوتك راح يعتبرها ايعاز له بفعل شي
انا عندي واحد ماشاء الله عليه يعرف وش ابي اذا جيت عنده مثلا اصفر له التصفيره الحساويه يردها لي ويجي على طول اقله بوسه بوسه واقرب وجهي منه يجي يبوس ويقول الله حلووووووه اذا صارخ اعصب عليه واقله والله لوريك الحين قبل لايصارخ يقول طيب والله والله والله لاوريك ههههههههههههههههه يهددني هو ووجهه
بس كل هذه بعد الصبر لمدة تفريبا 4 اشهر
ياخوي تدري اول شي قالها وش هي مو كلمه جمله ماشاء الله عليه
كنت دايم اجي عنده ولا اسوي شي غير اذا دخلت عنده صفرت له التصفيره الحساويه وبعدها اجي عنده واقله بوسه بوسه وابوسه واقول الله حلووو مره من المرات جيت عنده ماكان يتكلم نهائيا قربت منه فجأه وقلت له بوسه بوسه على طووووول قال باسني بصوت مرتفع وقال الله حلووووووووووه انا صراحه خفت هههههههههههه قلت وش ذا جني ولا ببغاء ماشاء الله عليه
مثل ماقلت لك حبب الببغاء فيك وعلمه كلمات وجمل وراح يقولها بعد فتره كلها سوا
دمت بحفظ الله