شريت هامستر ذكر وانثى بـ60 ريال وعندي اسئله مهمه

[marshmallow]

المشاركة الأصلية كتبت بواسطة qassem

بسم الله الرحمن الرحيم
السلام عليكم ورحمة الله وبركاته
اوللا باسالكم اذا السعر مناسب ولا لا انا رحت سوق الحراج يوم الجمعه الي في الهفوف في الاحساء ولقيت هامسترات زوج صغار يعني ذكر وانثى وعمرهم على 4 اسبوع وسعر الواحد 30 ريال انا شريت 2 ذكر وانثى بـ60 ريال هل سعرهم مناسب وشرت لهم قفص متوسط الحجم اخذته بـ120 ريال مايقارب وسعه 500 سم او 600 سم المهم
سؤالي الثاني الحين عادي اخليهم في قفص واحد هم صغار انا ابي اربيهم لين يكبرون عشان يتزاوجون ويبون عيال المهم انا سمعت انو اذا حملت الانثى لازم تفصل الذكر صح ولا لا اذا صحيح قو لو لي عشان اشتري قفص ثاني حق نفر واحد بـ60 ريال عشان اعزله واخر سؤال كيف اعرف انو الانثى حامل وهل اذا ولدت هي تاكل عياله ولا انا الي ااكلهم اتمنى تجاوبوني ولكم مني جزيل الشكر

مرحبـآ أخي ..

سعـر الزوج منـآسب ..
وهـذآ هو سعـره المعتـآد .. لـكن بعض المحـلآت تلقى الوآحـد بـ 60 والزوج بـ 120

والهـآمستر السـوري غير اجتمـآعي ..
يعنـي الأفضـل تخليهم منعزليـن .. وفـي وقت التزآوج تحطهـم مع بعض ..
واذآ حملت الأنثـى ضروري تعزلهـم .. لـأنه رآح يحصل شجـآرآت بينهم ..
ممكن تؤدي لموت أحـدهم .. أو اجهـآض الأنثـى ..

وطبعـاً اذآ ولدت رآح ترضـع عيـآلهـآ .. والي عليـك هـو الاعتنـآء بالأم ..
وتقديـم الأكل الصحي والمنوع لهـآ ..

وتفضـل بـ قرآئة موآضيع الهـآمستر المميزه ..
لـأنهـآ رآح تفيدك أكثـر ..

المشاركة الأصلية كتبت بواسطة qassem

وكمان سؤال اخير يقولون انو الهامستر عمره 3 سنين ويموت هل هذا الكلام صحيح واذا كان صحيح ليش مايبقى الى اخر العمر يعني يطول 20 سنه ليش مايضل ليش يموت شنو السبب انا رح اعتني فيه احلى اعتناية وراح اخليه يطلع من القفص ويهجول في البيت عشان مايتضايق في القفص وش يبي بعد

أخـي متوسط عمر الهـآمستر 3 سنين ..
يعنـي مهمـآ كـآن الهـآمستر متربي أحسن تربيـة مـآ رآح يتعدى 3 - 5 سنين ..
لـأنه كبر وهـرم وانتهـي عمـره ..
يعنـي مثل البشر .. مـآ تلقى أحـد عمره 200 سنه ..

موفـق .. =)