استفسارات عن الكاسكو

[F-9]

السلام عليكم ..

اخبااركم ؟!

شباب انا شاري كاسكو افريقي وعندي كم استفسار مع العلم اني اول مره اربي طير ..

صاحبه قالي انه ما يعض ويطلع عاليد بس مو اليف 100٪ .. بس معاي لما اقرب بس يخاف ويروح الجهه الثانيه للقفص ..

الحين كم لازم اخليه لين ياخذ عالمكان ويتعود عليه .. وهل نقله من غرفه لغررفه هالفتره تأثر ؟! ولا المهم يتعود عالشخص ؟!

وقت الظهر تقريبا يصير يبي ينام مع انه ينام من 8 وهل فيه وقت يصير لازم ينام ولا عادي لو تأخر الوقت ؟!


لما ما اكون موجود اسمعه يصفر بس وانا بنفس الغرفه ما يصفر احيانا يجلس يتعلق ويتحرك عادي حتى لو كنت بالغرفه عكس اول ما جا بس ما يصفر

متى تنصحوني اطلعه من القفص ؟! وهل لازم ريشه ينقص ؟!

اليوم سمعت منه صوت من منقاره زي كانه يبي يطلع شي من فمه و يحك منقاره بالخشبه والقفص ويفتح فمه كانه يتثاوب ويرجع يطلع نفس الصوت .. طبيعي ولا ؟!


كثرت عليكم الاسئله وباقي فيه جايات تحملووني


يا ليت اللي يعرف واللي له خبره يفيدني ..

[kujaanas]

شوف اخوي انا ماني خبير مره ولكن انا مريت في المراحل هذي في طيري

شوف انت تقول يخاف اذا كان يخاف بس يتحرك بدون جعير هذا ابسط من الخوف مع جعير وحركة سريعة ..

بما انه اليف من قبل يعني مروض خليه مدة 10 ايام وحطه على ارتفاع متر او مترين بزاوية

يعني يراقبك ولاتراقبه ولاتطالع عيونه كثير وحسسه انك تحبه وتهتم فيه من تغير اكل وموية وتنظيف قفص

من ناحية النوم الي اقدر افيدك فيه انك تغلق الأنوار عليه بحيث تكون الغرفة مظلمة ...

من ناحية وجودك عنده وانه مايصفر طبيعي هذا في اول الأمر .. تخيل معي انا اخذك(( طبعا تكرم عن المقارنة بالحيوان يالغالي ولكن مثال لا اكثر))

اخذك واجيبك عندي البيت اكيد تبي تستحي والمكان جديد عليك والكاسكو طير خجول وحساس من ناحية تغير المكان

حاول انك ماتمون معه على طول مثل الخوي الي تزك متعرف عليه مايصلح تجدع الموانة على طول
اصبر عليه شوي

من ناحية الريش ايه يالغالي ينقص وفيه نوعين

اما يكون النقص طبيعي وتسمى مرحلة القلش والطير يغير يشة

واما يكون حالة نفسية الطير ينتف ريشة وفيه مواضيع تبين لك الفرق بينهم

............

من ناحية الخروج من القفص ياليت تتأكد من انك قصيت اجنحته واظافرة وفيه طرق صحيحة للقص

وانتبه لايشوفك وانت تقص اجنحته ممكن يحقد عليك ويكرهك وديه بيطيري مختص وحاول تلطم وتغير شكلك وتعرف يالغالي الطير عقله في جناحه والطيران غريزة من رب العالمين لازم تعرف هذا الشي

من ناحية الأصوات

فيه صوت يخرج من المنقار يشبه صوت كسر الفستق هذا يدل على ان الطير مرتاحة او يبي ينام او بعد اكل يعني حصوله على الرضى

والتثاوب هذا طبيعي جدا ....

واذا طيرك تشوف جالس على رجل اعرفه انه طبيعي

حك المنقار غالب يكون بعد الأكل مثلنا لما نخلص لازم نغسل الأيدين ...

انتبه يالغالي من شي اسمه مكيف او تيار هواء تعرف الطيور حساسة من النقطه هذي

نوع له الأكل ولاتكثر له الفواكة على شان الأسهال الله يكرمك

عطيه حب فول سوداني غير مملح تحصله في محلات الطيور عطه حبتين الى 3 باليوم صدقني يحبها وخليها له مكافأة


وربي يعطي طيرك العمر والصحة ومبروك عليك

[عـــاشق الكاسكو]

ماشاء الله kujaanas
ماخلى شيء افادك فيها كلها

[F-9]

مشكووووور اخوي ما قصرت ..

طيب لو ما عليكم امر اللي يعرف بيطري مختص ما ودي اوديه اي مكان ويلعبون فيه

أنا بالشمال لو حد يعرف عياده زينه يا ليت يفيدني*

[ابوغزل]

اضيف صوتي لصوت الشباب تقبل مروري ابو غزل

حبتييييييييييييييييييييييييييييييييييييييين

[F-9]

شباب ما رديتوا علي سؤالي

عادي انقله من غرفه لغرفه بس وقت النوم ولا مرح يتعود كذا

والعياده الله يعطيكم العافيه

[F-9]

انتظر الجواب