لاصحاب اليلو ناب الامزوني و اصحاب الخبره

[Camel-KSA]

السلام عليكم ورحمته الله و بركاته .
الاخوه اصحاب اليلوناب ذوي الخبره , لاحظت في طيري الجديد ان فيه ريحه غريبه و غير جيده . فقمت بسؤال العضو Power لانه يملك واحد ايضا و خبرته ممتازه في الببغاوات و قال لي انه عادي بس انا مره مضايقتني هذي الريحه اللى ما قد شميته في اي ببغاء من قبل و من كل الانواع, وقد تم تروش و تسبيح الطير بالماء. لكن الريحه ما زالت فيه ,, ارجوا الافاده يا اخواني .؟؟

[adobe]

1- عادة الامازون يلوناب وغيره من الامازون يفوح منها رائحة المسك وهذا طبيعي
وقد قراءت هذه المعلومة ضمن مقالة من عدة مقالات رررررررررررررررررررائعة للدكتورة Joanie Doss وهي متخصصة بالامازون 0
الموقع خاص بالدكتورة ولها معلومات قيمة للغاية وبحوث معمقة من واقع خبرة اكثر من 30 سنة مع الامازون فقط تعتبر افضل باحثه على الاطلاق ومرجع
http://www.parrothouse.com/jdoss.html
2- اخشى ان تكون هناك بعض الفطريات في انف او فم الطائر ولكن يجب التأكد من ذلك و عدم العبث مع مثل هذا الطائر الرائع والثمين 0
3- دع غيرك يشم تلك الرائحة للتأكد ان كانت كريهة او مقبولة 0
4- قد تكون للمرة الاولى التي تقتني فيها امزوني واشتبه عليك الامر 0
والله اعلم
واذا تبي تبيعة ونفكك من هالريحة انا شراي واتحمل ريحته فديييييييته

[11هاوي11]

ياحبيبي انا كان عندي بلو فرونتد وكانت فيه ريحة غير مقبوله وتنزل منه قشور ورحت به عند خبير ببغاوات في الرياض واعطاني محلول اسمه بوفيدين هو مطهر يستختدموه الناس
حط غطاء في لتر ونص وانشاء الله يفيدك
حاول لاترشه على وجة الطير وبلل الريش حتى الجلد تمام
الطيور الامزونيه اكثرها كذا

[أبو العيناء]

اعانك الله فيما تود وفيما ترغب اليه اخي العزيز

[نصور!]

اخوي كامل الله يعينك تحمل يعني جت ع ريحة الطير

الشور الزين وده للبيطري

خذ العلم و انا اخوك

[mmc260]

اخووووووووووي انا انصحك انك تاخذ الببغاء حقك وتروحبه عند بيطري موثوق

والله الله فيه
اهتم به وحافض عليه وحطه بعيونك

وتبغى نصيحه اذا كان الببغاء حقك مميز واتحبه لا تبيعه
لأنك ماراح تحس بقيمته في حياتك الا اذا فقدته ومستحيل اي ببغاء يحل محل الثاني وينسيك اللي قبله

تحياتي

[adobe]

احذر من البياطرة فالموجود لدينا في السعودية بياطرة متخصصين في الماشية او الدواجن .......... مع احترامي الشديد لتخصصهم .
اخوي هذا يلوناب تعرف ايش معنى يلوناب مهوب ..... دجاجة ولا بقرة
الببغاوات يبيلها متخصص وهذا نادر في العالم العربي بل على مستوى العالم الثالث
وانا من خلال تربية للببغاوات حلال 13 سنة ولله الحمد لم .. احتاج لهم وحتى لو لاقدر الله لن اذهب لهم ليعبثو في طيري انا اعتمد على على المراجع والسؤال على النت في تحديد الحالة وتشخيص المرض ومن ثم العلاج وطيرك مثل ماقلت لك ماهو مريض وانا متأكد .
اما الاخوان مع احترامي لهم يبيلهم شوي معلومات عن علاج الببغاوات فقط
اخي شف هل الصقور وش يسوو ن يودونها لمراكز متخصصة لانها غالية واليلوناب مهوب اقل منهم .
قال ايييه قال بيطري . هه ههه

[هيبه اسد]

عندنا البيطرين مثل ماقال حقين دواجن ومواشي

وبعد شهادات تزوير في تزوير ..

[هـزيم الرعد]

اخوي الغالي كل الامزون كذا
مثل ما قال لك adobe رائحة المسك

انا عندي يلو ناب ورائحتة كذا

مو كريهه رائحه عطريه بس يمكن انت اول مره تربي امزون

لاتهتم يالغالي ولا تروح لبيطري

ترى البيطريين عندنا حلتهم حاله ما ينفعوا بريال