عندي جم سؤال عن الأرانـــب ..

[كويتيــــة]

السلام عليكم ورحمة الله وبركاتة
انا عندي ارنب تقريبا صارله شهر او اكثر عندي ,اهما كانوا بالاحرى 2 بس مات واحد بعد اسبوع تقريبا
عندي شوية اسأله ان شاءالله تفيدوني فيها

1_اذا الارانب فيها مرض هل تعدي الانسان ؟!
2_سمعت ان الخضراوات تمتن الارانب مثل الجزر والخس (يسمن الارنب)
3_لازم اشتري له ارنب ثاني
4_اشلون اعرف ارنبي اذا كان ولد ولا بنت (لازم اودية حق دكتور بيطري )!
5_انا قريت ان لازم على اقل اطلع الارنب ساعة باليوم عشان يمشي !!
6_اللي ساكنين بالكويت وين احسن عيادة بيطرية بالديرة ؟
وو أهم سؤالين لازم يكون بالقفص تراب لان القفص اللي عندي من ارضيته من خشب !!
و اكو اتطعيمات حق الارنب بشكل عام < تطعيمات عن الامراض المعدية و لحماية الارنب من الامراض

ويعطيكم ألف عاافية

[ziir]

هـلأفيك
الاسئلة دائمآ تكرر لوبحثي راح تلقين جوآب كآقي مدعم بالصور

الارانب ماتنقل المرض للنسان

بلعكس الخضروات والفواكـة تعطية فتامينتات وتعطية حوية

اي اشتري ارنت ثآني لا نة مايجب الوحدة

اول شي تمسكينة زين على ظهرة بعدين تضغطين اسفل البطن فوق الاعضاء
اذكان ذكر راح يبين بان له خصية واضحة اذ ماتعدى 3 اشهر صعب شوي
الذكر

ألانثى


اذ كان في قفص صغير يعني مايقدر يمشي فية ولا يتحرك االافضل انك تطلعينة
اهل الكويت يفديونك.

حطي لة نشارة افضل
اكيد لة تطعيمات خذي لي عندك واشتري واحد ودية البيطري يعطية تطعيمات

[nemo991]

أخوك ziir أفادك

[nemo991]

المشاركة الأصلية كتبت بواسطة كويتيــــة

السلام عليكم ورحمة الله وبركاتة
انا عندي ارنب تقريبا صارله شهر او اكثر عندي ,اهما كانوا بالاحرى 2 بس مات واحد بعد اسبوع تقريبا
عندي شوية اسأله ان شاءالله تفيدوني فيها

1_اذا الارانب فيها مرض هل تعدي الانسان ؟!نعم إذا لم تطعم ضد الأمراض الخطيرة التي تصيبها فمثلا الجرب ينقل للإنسان

2_سمعت ان الخضراوات تمتن الارانب مثل الجزر والخس (يسمن الارنب)نعم وبعض أنواعها مفيدة جدا أخوي

3_لازم اشتري له ارنب ثاني طبعا أجل كيف بيكثرون وإذا ما تبغاهم يكثرون الأرنب إذا عايش لوحده يحس بالوحدة لأنه حيوان جماعي علشان كذا لازم تجيبله أرنب ثاني ويفضل يكون عكس جنسه

4_اشلون اعرف ارنبي اذا كان ولد ولا بنت (لازم اودية حق دكتور بيطري )! في واحد من الإخوان جاوب عليك هذا أولا ثانيا ممكن تصور الأرنب علشان ممكن يكون الأرنب صغير ويصعب على الواحد إنه يعرف هو ذكر ولا إنثى

5_انا قريت ان لازم على اقل اطلع الارنب ساعة باليوم عشان يمشي !!مو لازم أخوي ممكن كل إسبوع تطلعه من بعد العصر إلى المغرب أنا أسوي كذا دايم

6_اللي ساكنين بالكويت وين احسن عيادة بيطرية بالديرة ؟والله ما أدري أتمنى أحد يفيدك ان امن سكان الرياض

وو أهم سؤالين لازم يكون بالقفص تراب لان القفص اللي عندي من ارضيته من خشب !!على حسب إرادتك بس الأرنب يحب يخربش في التراب ويحفر فيها علشان كذا من الأفضل إنك تجيبله تراب في القفص

و اكو اتطعيمات حق الارنب بشكل عام < تطعيمات عن الامراض المعدية و لحماية الارنب من الامراض أهم تطعيمين تقولها للبيطري نطعيم التسمم الدموي والجرب

ويعطيكم ألف عاافية

أتمنى إني اكون أفتدك وشكرا

[مشاعل الرياض]

اجابات اخواني كافيه بس لي ملاحظه الارنب مايحب الحبسه بمكان خصوصا لو كان ضيق يأثر بنفسيته تلقينه خامل وكسول كل يوم طلعيه يمتشى لانه حيوان يحب اللعب والحركه فلا تبخلين عليه بكذا

[mkdsh]

مآقصروا الشباب جاوبوا
بس انا افضل انك تطلعين الارنب كل يوم عشآن يطلق رجوله وراح تستمتعين اذا راقبتيه
بتشوفينه يطامر وحركات فلله....