سؤال وجواب (في تدريب وترويض الببغاوات والعناية بها)

[كاسكـــو]

المشاركة الأصلية كتبت بواسطة SILVER LOVER

ابو حميد , حياك الله

بس انا سامع ان الببغاوات الكبيره ما تبدل ريش !

الا تقريباً كل 5 إلى 6 سنوت !

حياك الله يالغالي

هذي الله يسلمك معلومه خطاء

[الوسام الذهبي]

السلام عليكم ورحمة الله وبركاته

شريت طائر امزون بلوفرونت

واتمنى تساعدوني في بعض المعلومات

ممكن يكون اسلوبي في طرح الموضوع طويل وممل لكن اتمنى يتسع صدركم لي لاني احب اذكر كل التفاصيل على شان توضح الفكرة كاملة

اول معلومة اتمنى تساعدوني فيها اهي تحديد العمر وماهي امكانية الكلام بالنسبة له , صاحبه قال لي انه يقول اسم واحد بس الصراحة للحين ما سمعت منه غير الاصوات المعتادة للأمزون وماسمعت منه اي شي يدل انه يتكلم مع ان الطير يتجاوب بشكل كبير مثلا لما اسوي له صوت الجرس , ررررررررررررررررررر يرد عليي بنفس الصوت تقريبا ولما اصرخ يصرخ ويركز بعينه ولما اقول له اي كلمة ينفخ ريشه ويفتح ذيله ويركز بعينه ويتحرك يمين ويسار ويسوي حركات غريبة حتى لما يكون ياكل واكلمه يترك الاكل ويسوي هذي الحركات.

الشغلة الثانية حسب كلام صاحبه ان الطير كان اليف مثل الحمامة لكن اهمله , الحين الطير ممكن تشيله بكل سهولة من داخل القفص واهو يجيك اول ماتفتح الباب , لكن لما ابي اشيله من على القفص يعند ويعض طرف اصبعي بعضات خفيفة متتالية يعني يعض ويترك ويعض ويترك لكن عضات خفيفة, وصار مايرضا تمسح على جسمه ابد حتى اني حاولت امسح على منقاره حتى اطمنه وشوي شوي انتقل للجسم بعد مايرضا امسح على منقاره , السؤال شنو افضل طريقة اتبعها معاه على شان ارجعه لحالته السابقة من حيث الولافة.

وهذي صور الطير وارجو اني ماطولت عليكم

[سكون الليل]

هل عضات الكاسكو بشكل خفيف دون ان تعور صاحبه
دليل على بداية التكيف

[كوكا موكا]

ببغائي الريش اللي برقبته طاايح
يعني مكان الرقبه فاضي مافيه ريش الا قلييل يعني زغب
وش أسوي فيه ؟
وهل هذا شي طبيعي لأن الوقت شتاء الحين ؟
وممكن أنه يطلع له من جديد ؟

[ابــو كــاْب]

سلام كيفكم؟؟؟؟؟
انا عندي ببغاء الدره المطوقه هندي ذذكرر
بس الحين هو معاي له 4 اشهر تقريبآ
وما يعرف ولا ينطق ولا كلمه
وش الحل تكفون والطريق المثاليه في تعليمه
بس انه عادي معاي وياكل من يدي وامسح عليه ويتكلم كلام غريب
ما افهمه كلام الببغاء وش الحل تكفونــ

[سكون الليل]

كيف اعرف افرق بين الكاسكو الذكرو الانثى

[نووووووون]

السلام عليكم

لو سمحتوا ببغائي بس ياكل الدجاج وخاصة العظم الى مايوصل المخ ويوميا اذا شاف الغداء جاء ونفس الشيء

ومع ذلك لونه البراز الله يكرمكم تغير صار مائل للبني ماادري وش اسوي معاه

[LoveNight]

السلام عليكم


ياليت احد يجاوبني على موضوعي

http://www.2zoo.com/vb/showthread.php?t=200051


او يجاوبني هنا اللي يريحكم ... بس الموضوع مهم جدا

[Al shamisi]

السلام عليكم ..

لاحظت على الببغاء اليوم تصرفاااااااااااات غريبة جداً جداً جدااااااااااااااااً !

اليوم لون براازه ( اكرمكم الله ) متغير !!! لونه صااار بني وووووووو ساااائل !!!! كأنـه اسهال ..

وابداً ما وقف من الجعير ..ومايتحررررك ثابت فيه مكانه !! الا اذا تقربت منه او واحد من خواني قام ويسوي حركات كأنـه يروغنا ما يبي حد يتقرب صوب القفص !!

وجربت كذا مره اكلعه من القفص !! فتحته وما طلع !! وها لاول مره !! بالعاده من احط ايدي ع الباب يتمسك في الباب يعرف اني بفتحه ويطللع برا القفص !
وش الساااااااااااالفه دخيلكم !!

انا ناويه باجر اشله للبيطري ؛ بس شو يصبرني لبااااجر عسب اعرف شو فيه !


(عمره تقريبا 5 شهووورر)

[no0La]

المشاركة الأصلية كتبت بواسطة الوسام الذهبي

السلام عليكم ورحمة الله وبركاته

شريت طائر امزون بلوفرونت

واتمنى تساعدوني في بعض المعلومات

ممكن يكون اسلوبي في طرح الموضوع طويل وممل لكن اتمنى يتسع صدركم لي لاني احب اذكر كل التفاصيل على شان توضح الفكرة كاملة

اول معلومة اتمنى تساعدوني فيها اهي تحديد العمر وماهي امكانية الكلام بالنسبة له , صاحبه قال لي انه يقول اسم واحد بس الصراحة للحين ما سمعت منه غير الاصوات المعتادة للأمزون وماسمعت منه اي شي يدل انه يتكلم مع ان الطير يتجاوب بشكل كبير مثلا لما اسوي له صوت الجرس , ررررررررررررررررررر يرد عليي بنفس الصوت تقريبا ولما اصرخ يصرخ ويركز بعينه ولما اقول له اي كلمة ينفخ ريشه ويفتح ذيله ويركز بعينه ويتحرك يمين ويسار ويسوي حركات غريبة حتى لما يكون ياكل واكلمه يترك الاكل ويسوي هذي الحركات.

الشغلة الثانية حسب كلام صاحبه ان الطير كان اليف مثل الحمامة لكن اهمله , الحين الطير ممكن تشيله بكل سهولة من داخل القفص واهو يجيك اول ماتفتح الباب , لكن لما ابي اشيله من على القفص يعند ويعض طرف اصبعي بعضات خفيفة متتالية يعني يعض ويترك ويعض ويترك لكن عضات خفيفة, وصار مايرضا تمسح على جسمه ابد حتى اني حاولت امسح على منقاره حتى اطمنه وشوي شوي انتقل للجسم بعد مايرضا امسح على منقاره , السؤال شنو افضل طريقة اتبعها معاه على شان ارجعه لحالته السابقة من حيث الولافة.

وهذي صور الطير وارجو اني ماطولت عليكم

وعليكم السلآم

هلا بك أإخوي منور

أول شي اعتذر عن التأخير بالرد ..

بالنسبه لعمر البلو اتوقع والله اعلم صغير سنه ونص
بس ماشاء الله تبارك الله الطير نظيف وشكله حار تبارك الرحمان

بالنسبه لحركته وانت تكلمه ممتاز بيلقط كلمات اكثر مع الوقت والتأقلم
اذا كان الطير يتحرك وينصب وحركته كثيره ماشاء الله نشيط اهتم فيه ولاعبه

اهمال الطير له دور انت تقدر ترجعه اكثر من حمامه اجلس معاه اكثر وقت
وامسح عليه مره ومرات وكلمه كثير مع الوقت راح يتأقلم ويحبك اكثر خصوصا
اذا شاف انك دايم مقابله


موفق اخوي