كاسكو + مكاو ....

[مدربي القواطي]

السلام عليكم ورحمة الله وبركاته


شباب انا قبل شهر شريت كاسكو فرخ عمره 10 شهور الان
يوم اشتريه من الرجال كان يقول انه يطلع على اليد ولا يجعر
وانا شلته عند الرجال على يدي ولا جعر ووضعه طبيعي وهادي
لكن من دخل البيت كان ساكت ولا قربته انا

بعدين صار يجعر بقوة وكل يوم أأكله ومنعت عنه الاكل وااكله بيدي صار لين شبع وخلص الاكل يعضني

كل ماقربت منه يجعر
مع العلم اني ااكله بيدي وحرمته من الاكل
واللحين مخلي عنده الاكل لان حرام ااخاف يحقد علي

بعدين مليت من هالحاله


صرت اطلعه الصباح للحوش

يصفر ويشكل على كيفه



مليت من هالحله


خربتها وشريت مكاو مع العلم اني اول مره اشتري ببغاء

المكاو جميل وحجمه كبير وتوه فرخ عمره 10 شهور تقريباً على كلام صاحبه السابق



المكاو كان يطلع على يد الرجال لكن يوم جيت بشيه من يد الرجال استقبلني بعضه مؤلمه

المهم اخذته للبيت وعادي احط يدي على راسه وينبسط عليه وماياكل الا من يدي ومخلي عنده الاكل


المهم ابيه يطلع على يدي ما اقدر يقاومني ويحاول يعضني


مع العلم ان العصا اللي بالاستاند ياكلها وهذي نقطه مهمه في الموضوع . ليش ياكل العصاء حقت الاستاند


نجي للكاسكو الكاسكو من جا المزيون سكت معد يصفر واحسه صاير عصبي ولاهوب ياكل زين وكل ماجيت أأكله مثلاً الخس ينتفها ويبي يوصل ليدي

جربت طريقة العسل وحطيت باصبعي عسل وصار يلحس العسل مع عضه مؤلمه تعور اليد



هيلب مي بليز ابي حل لاني اخاف اخربها واشتري صقر ينتفهم وينتقم لي منهم

[S7R]

اخووووووي تربية الطيور وترويضها يبيلها صبر + صبر + صبر + صبر

واذا الطيور فروخ بيلين راسها قريب ان شاءالله

انا اقول اصبر عليهم وشف لك كم طريقه في المنتدى عن الترويض

وإذا مافيك صبر .. فيه كثير مروضين يروضون لك طيرك

تحياتي لك

[مدربي القواطي]

اشكرك كل الشكر

طيب وجودهم في مكان مع بعض هل فيه تعارض بينهم كالغيره او الزعل او يتهاوشون ؟

[كاسكوي صميم]

بسم الله الرحمن الرحيم

اولا : بالنسبة لاكل العصا شي عادي انا عندي كاسكو ياكل العصا حق الاستاند لان الاستاند رخيص يوم جبت استاند اخر عادي ما يقدر يا كله بالعلة في نوع الخشب فقط

ثانيا : اعتقد ان الحجم له دور

تقبل مروري

[مدربي القواطي]

طيب ياشباب هل فيه تعارض بين الاثنين لان الكاسكو من بعد ماجا المكاو سكت ولا عاد صفر

[mxm]

مدرب القواطي
ماشاء الله عليك تبارك الله

شكلك وسيع صدرك وضحوك وخاصه يوم قلت شكلي بشتري صقر ينتفهم

شكرا لك اضحكتني باسلوبك

[fawzi]

اخوي طبيعه الطيور وخصوصا الافريقي يبحث عن الامن قبل الصحبه ونفس ماافادوك الاخوان الموضوع يحتاج صبر وطوله بال والمعامله الطيبه تكسب ود وحب البغبغاء لصاحبه المكاو يختلف عن الافريقي لان المكاو من الطيور الكبيره وانا في اعتقادي ان ممكن يكون خطر على الافريقي لان عضه المكاو لااله الاالله مو سهله نصيحتي انتبه للنقطه هاذي اما عن تكسير او نتف المجثم هذا طبيعي لان البغبغاوات طيور مضاغه تحتاج ان تمضغ الاغصان في الطبيعه وانا انصحك انك تحط لهم اغصان تكون جافه ونضيفه

[مدربي القواطي]

المشاركة الأصلية كتبت بواسطة fawzi

اخوي طبيعه الطيور وخصوصا الافريقي يبحث عن الامن قبل الصحبه ونفس ماافادوك الاخوان الموضوع يحتاج صبر وطوله بال والمعامله الطيبه تكسب ود وحب البغبغاء لصاحبه المكاو يختلف عن الافريقي لان المكاو من الطيور الكبيره وانا في اعتقادي ان ممكن يكون خطر على الافريقي لان عضه المكاو لااله الاالله مو سهله نصيحتي انتبه للنقطه هاذي اما عن تكسير او نتف المجثم هذا طبيعي لان البغبغاوات طيور مضاغه تحتاج ان تمضغ الاغصان في الطبيعه وانا انصحك انك تحط لهم اغصان تكون جافه ونضيفه

من ناحية العضه فأسأل مدربي القواطي ولا تسأل طبيب