عندي مشاكل وابي حلول ..

[كاسكـو]

السلام عليكم ورحمة الله وبركاته

هذا اول موضوع او مشكل لي ...

وهي:-

امس (الجمعه) اشتريت ببغائ كاسكو (جمبو , هادي , مايجعر , يصفر شوي)
المهم اعجبني وشريته
بس يوم يرجعت للبيت طلعته فوق القفص بعدين جيت ادخله للقفص مارضى يدخل
صار يجعر ويعض لأني ابدخله للقفص

بعدين اخذت قطعه قماش وغطيته ودخلته بس عضني

والحين مدري وش فيه اليوم اول ما اقرب منه يفتح فمه على الخفيف ويبعد مني بس مايجعر
حاولت اوكله من يدي ما رضى

واشوفه دايمن يتقلب في القفص يطلع وينزل ويتشقلب مدري لي ؟

وسؤالي هو :-
هل مع مرور الوقت والصبر بيطلع اليف ؟
وهل الدوار واللف في القفص والشقلبه هل هي مرض ؟ او حاله نفسيه ؟ او ان القفص صغير ؟


ياليت تجاوبون علي لأني خايف عليه

[محب الحياة البرية]

يمكن يكون مو متعود عليك ...بعد كم اسبوع ان شاء الله يتعود


وعلى حركة التشقلب في القفص .... يعني يريد ان يخرج برا القفص

[كاسكـو]

بس اذا طلعت موب راجع للقفص

[محب الحياة البرية]

خله يستانس برا بعدين دخله بالغصب

او خله اسبوع وتكون دائما معه وصب له الماي والاكل عشان يتعود عليك بعدين طلعه برا

[كاسكـو]

تو روشته في غرفه دافيه
وعصب مني

[صاحب رأي]

في البداية مبروك عليك الطير

يحتاج الطير فترة يتعود فيها على صاحبة

أقلها تكون عشر أيام

يكون في مكان مرتفع وتضع له الطعام والشراب فقط

وهو داخل القفص بعدها تبدأ معه ما تريد

طبعا الآن يفتح فمه لما تقرب دليل على ذكاءه منتظر

أنك تمسكه بقطعة القماش وهو مستعد عشان لا تأخذه على غدر

هذه المرة وحركة داخل القفص تدل على أنه ما شاء الله عليه بصحة جيدة

وخوف وقلل من المكان الجديد

أصبر عليه حتى يتعود ولا تستعجل عليه

[طير جديد]

هذا اول موضوع او مشكل لي ...

وهي:-

امس (الجمعه) اشتريت ببغائ كاسكو (جمبو , هادي , مايجعر , يصفر شوي)
المهم اعجبني وشريته
بس يوم يرجعت للبيت طلعته فوق القفص بعدين جيت ادخله للقفص مارضى يدخل
صار يجعر ويعض لأني ابدخله للقفص

بعدين اخذت قطعه قماش وغطيته ودخلته بس عضني

اولا : حياك الله بين اخوانك و الف الف الف مبروك ع الطير
ثاني شي : شي طبيعي انه بيخاف لان متغير عليه المكان
ومشاء الله عليك متحمس جدا من اول يوم تبي تدربه الله يوفقك اخوي

والحين مدري وش فيه اليوم اول ما اقرب منه يفتح فمه على الخفيف ويبعد مني بس مايجعر
حاولت اوكله من يدي ما رضى

بس ياليت تعطي الطير وقته يتعود ع البيت وعليك حاول تكلمه ع خفيف وانت تغير له الاكل والماء
واهم شي انه مايجعر ويمكن مايرضى يرجع لان يمكن متعود قبل كل بره القفص حاول انك تطلعه يوميا

واشوفه دايمن يتقلب في القفص يطلع وينزل ويتشقلب مدري لي ؟

مشاء الله طيرك معناتها نشيط وحركي ربي يحفظه لك من كل شر
وش حلو يكون الطير نشيط مو خامل

هل مع مرور الوقت والصبر بيطلع اليف ؟
وهل الدوار واللف في القفص والشقلبه هل هي مرض ؟ او حاله نفسيه ؟ او ان القفص صغير

انشاء الله يالغالي ما ودي اقول لك اكيد بس انشاء الله اكيد وطير مبين عليه اليف بس تغير المكان
وانتظره يتعود وبتشوفه طير ثاني ولا تستعجل وتفرط فيه حافظ عليه ودربه حبه حبه

لا زي ماقلت لك مو مرض بس نشاط بالطير واذا ودك تطمن روحك اكثر اشتر له لعبه وحطها في القفص

تقبل مروري وهذا كم موضوع يفديك تقدر تدخل عليه


هذي الروابط تفديك انشا ءالله

http://www.2zoo.com/vb/showthread.php?t=118919

http://www.2zoo.com/vb/showthread.php?t=100354

حلو ذا الموضوع الطلوع ع اليد
http://www.2zoo.com/vb/showthread.php?t=32029

http://www.2zoo.com/vb/showthread.php?t=95684


هذا خاص بالاكل
http://www.2zoo.com/vb/showthread.php?t=117576



بالتوفيق يالغالي وطمنا عن كل جديد

نصيحه ::حاول لاتعرض الطير للبرد والتيارات الهوائية ( ترى الجو بارد )


الصبر اهم شي

[كاسكـو]

الله يجزاكم الف خير
والله طمنتوني الله يعافيكم
ملقصرتو ماشاء الله عليكم

[ام ماجد]

لاتشيل هم اخوي انا طيري يتشقلب للحين ويدخل عكس من بين رجلينه لين احس ان رجله بتنفك الله يهديه
انا كنت انزعج واتضايق بس اللحين استانس اذا سوى كذا وطامر علشان يحتر شوي خاصه ان الجو متجمد ^^

[كاسكـو]

مشكوره ام ماجد
ودايماً يقولون الصبر مفتاح الفرج