أرجو المساعدة من الخبراء في الكاسكو

[ThE kInG aBaDy]

السلام عليكم ورحمة الله وبركاته

شريت كاسكو قبل 4 أيام و لين الحين وأنا ما أقدر أخليه يصعد على يدي أو ياكل منها

أو يردد كلامي ولا أدري ما الحل وكل ما عطيته حب ياخذه من يدي ياخذه ويذبه سويت وياه

أكثر من 100مرة ولا في فايدة ما كل مني إلا ثلاث حبات ولا أدري وش الحل أرجوكم لا تبخلون

علي بالمعلومات وشكرا

[MRKS]

ولا يا اخوي مقدر افيدك لين تقولي الكاسكو فرخ ولا كبير

[fawzi]

المشاركة الأصلية كتبت بواسطة ThE kInG aBaDy

السلام عليكم ورحمة الله وبركاته

شريت كاسكو قبل 4 أيام و لين الحين وأنا ما أقدر أخليه يصعد على يدي أو ياكل منها

أو يردد كلامي ولا أدري ما الحل وكل ما عطيته حب ياخذه من يدي ياخذه ويذبه سويت وياه

أكثر من 100مرة ولا في فايدة ما كل مني إلا ثلاث حبات ولا أدري وش الحل أرجوكم لا تبخلون

علي بالمعلومات وشكرا

اخوي الف مبروك على الطير وبقولك شيء انت شاري الطير وصارلك اربعه ايام لسه بدري على الترويض والتدريب لازم الطير يتاقلم على المكان الي هو فيه عط الطير وقت لين يهدى وبعد كذا ابتدي معاه في الترويض شوي شوي لازم انك تكسر حاجز الخوف الي في الطير وهذا يحتاج وقت كي يثق فيك الصبر هو مفتاح الفرج وطوله البال هي اساس النجاح

[nasser1430]

تدري وش اللي يبغالك ... الصبر ( شويت وقت ) ... وراح يطلع معك الطير وراح يتكلم وراح تتضارب أنت وأياه ... أمزززح

بس نصيحة حط الطير لمدة إسبوع إلى عشرة أيام في مكان ما يكون مرتفع مره يكون في مستوى طول الواحد لما يغير له المويه ويحط الأكل .

ومع الوقت راح يرتاح يتعرف على البيت وأهلها ... وراح يضبط معاك .... بس خل كلمة الصبر هي الكلمة الوحيدة في مفردات قاموسك .

تحيتي وعقبال ما يسولف معك ... والسلام

[ThE kInG aBaDy]

أولا أشكر لكم مروركم الكريم
ثانيا الببغاء فرخ يعني البياض في عيونه بدأ يميل إلى الرصاصي قليلا
ثالثا الببغاء باين معاه انه تعود على أهل البيت لأنه يلعب ويقلد صوت العصافير والبلابيل
أرجو الرد بسرعة تكفووون

[محب للكاسكو]

يالغالي اللي اقدر افيدك فيه هو بخصوص الاكل من يدك انا اول زيك اعطيه حبه فول سوداني ويرميها على طوووول ولكن لقيت الحل انت اول عطه حبه وابعد عنه على طووول واذا امكن تطلع من الغرفه وهو بيكوون ماسكها برجله ويشوفك اذا طلعت او بعدت راح ياكلها هذي طريقتي مع طيري وللمعلوميه هو متوحش ووكبيير بالعمر ونجحت معه اظن راح تنجح مع طييرك حاول فيها اكثر من خمس مرااات وردلي ,, وتذكر عطه الحبه وترااجع قبل مارميها وردلي يالغلا ...
واتمنى ان الاخواان يفيدونك ...

[ThE kInG aBaDy]

سأجرب ذلك قريبا وسأرد عليك شكرا لك على مرورك

[قرناس الليل]

ول شي مبروك مقدما


ومثل ماقالولك الاخوان وماشاء الله انت مثلي مالي الا 4 ايام معي

وهو ماش ماهوب راضي يأكل من يدي يقرب يجي يلمسها ويبعد ولا ياخذها بس انا ابجوعه واعطيه بيدي وبشوف

بس بسالك انت قصيت جنحانه ولا لا-اذا لا متى بتقصها باي عمر لان اللي معي للحين مادري اقص ولا لا

[كاسكووووو]

بدري لازم يتعود على المكان خله اسبوعين

[القلب الجريح]

بصراحة ما أقدر أفيدك ... وأن شاء الله يتروض معاك ويكون على اللي في بالك

بس ودي أسألك أنت وقرناس بكم شريته الكاسكو