هيه واخيرا

[%لوب ذهبي%]

اهلا اختي والف مبروك وعقبال المشي على القدمين والطريقة كالتالي

لما يجيكي ارنبك عشان ياخذ الاكل من ايدك ارفعيها شوي حتى يضطر انه يوقف علي رجوله اذا وقف عطيه لقمه وسويها معه من اربع الى خمس مرات ثم وقفي لاتكثري عليه لان الارنب اذا مل من حركه ماتعجبه يسحب عليك نهائيا ثم سويها بكره وبعده الى ان يحفضها ويتعود عليها
بعد كذا حاولي انك لما يجيك الارنب ياكلها من يدك وانتي رافعتها حاولي انك تبعدي يدك لقدام حتى يضطر انه يمشي اول خطوه راح يجد ارنبك صعوبه لكن في النهايه بيمشي ( بعض الارانب ليقاتها عاليه وتسويها من اول محاوله وغالبا تكون هذي الارانب شخصيتها عنيده ) وكل يوم سوي لها كذا وكثري عدد الخطوات الى ان يمشي اكثر مسافه ممكنه وهي تقدر ب ١٠ امتار تقريبا

وفي النهايه بالتوفيق لك في تدريبه وترى الارنب ذكي فاستغلي ذكاءه يعني بعض الحركات قد تقولي عنها مستحيل ارنب يسويها ولو اوريك بعض المقاطع ممكن تفاجئى ان فيه ارنب يسوي كذا لكن لاشئ يقف امام الصبر والمثابره
واي سؤال انا حاضر هنا او على الخاص