للخبراء ارجوا المساعدة طيري انكسر جناحه ايش السواة&&&&&&&&

[نايم نوم]

اخواني باختصار والله محيوس بنتي فكت القفصص لببغائي وريشه كامل طار وصفقته المروحة وانكسر جناحه حاولت اجبره اناو خوي الين تفتح اقرب عيادة ما قدرنا الاصابة في محل شين مدري ايش السواة اتمنا احد يفيدني بعدين وين افضل عيادة ممكن تساعدني في هذا الوضع بجدة لاتبخلون علي بردودكم تكفون والله محترق الي يعرف اي شي لا يبخل علي

[نايم نوم]

ولا واحد جاوبني معقول انا اول واحد يحتاج بيطري

[كاسكـــو]

لو انت بالرياض كان ساعدناك تفضل شوف

http://www.2zoo.com/vb/showthread.php?t=167160

ولا انصحك انت تجبر الكسر يحتاج عمليه

شوف الرابط والفيديو كيف عالجو طير العضو

[fawzi]

الله يعنيك اذا الكسر جامد الطير يحتاج عمليه والله يشفيه والله لو انت في البحرين كان والله خدمتك بعيوني لاكن الله المستعان

[نايم نوم]

الف شكر على التجاوب اخواني الله يعين
رحت للعيادة عن دكتورة هولندية تقول لوكان العضم خرج لازم ينقص الجناح ماله حل وبعد الكشف وجد العضم غير خارج لكن الكسر خطير شوي جبرته وقالت بعد ثلاثة اسابيع نشوف اذا جبر الكسر ولا حنضطر نقص الجناح والله اني متكدر من ساعتها من كثر التفكير نمت وانا زعلان وقمت تعبان والله مدري ويش جاني هبوط في الضغط مدري السكر المهم اني وديته العيادة الصباح وانا رحت في الليل قالي الدكتور تعرضت لاجهاد نفسي وجسدي وانا صدق الصراحة ما نمت االين رجعت من العيادة بعد العصر وحر وحالة نفسيه خايسه مالكم في الطويلة

لاكن ما اقول الا لاحول ولا قوة الا بالله والله لا يوري احد من المسلمين الي شفته وذقته بسبب الاهمال الغير مقصود مني مع اي حيوان يربونه

داري كلامي كثير بس من حر ما فيني وانا بكتب موضوع للاعضاء تحذيري عن الي صار معي عشان لا يتكرر مع غيري ويعيش لحضات الالم والشعور بالذنب الي عشته

ادعولي ان الطير يقوم بالسلامة لان شكله يحزن والله واكله مو مضبوط
قدر الله وما شاء فعل

وفي الختام الف شكر لجميع من تواصل معي واتعاطف مع قصتي