سؤال وجواب (في تدريب وترويض الببغاوات والعناية بها)

[كاسكـــو]

المشاركة الأصلية كتبت بواسطة The - Hard

السلام عليكم يا اخوان حبيت اسألكم واتمنى تجاوبوني عشان لا انغش في الطير ...

وين الافضلو الايولناب ولا الكاسكو ؟


وانا ودي في الكاسكو << لان ارخص ^_^

والشي الثاني كيف اعرف عمره من اي ناحية

وشنو افضل فصيلة بالكاسكو انا اللي اعرفه نوعين من الكاسكو جامبو وسوبر جامبو ولا فيه زيادة ؟ وكم سعرهم ووين الافضل ؟

وكيف اعرف انه ذكر وشلون اعرف انه مريض


ادري تحقيق بس عشان لا انغش مثل الكروان شريته بـ 300 او 280 ماذكر السعر ولكن طلع نصبه قويه

يارجال وسع صدرك سوبر جامبو ولا جامبو كلها واحد من ناحيه الكلام والذكاء وسعرهم واحد

وانا لما قارنت بين الاثنين اللي عندي شفتهم نفس الشي مافي فرق بالحجم

هذا كلام تجار طيور من شفت واحد تاجر يقول سوبر دبل جامبو وانا غاسل يدي عارف نصابين من وين جاء دبل جامبو ذا كل يوم مطلعين مواصفات جديده عشان تمشي السلعه

اللي نعرفه ثلاث انواع بالحجم فقط لاغير الجامبو والوسط والصغير اللي هو الغيني

واليلوناب والكاسكو كلهم لهم مقدره على الكلام اذا تم تدريبهم بشكل ممتاز

شوف قسم البيع كاسكو ماشاء الله فتحو باب السوم بـ 8000 هذا فتح باب فقط .. لانه مدرب صح

وانا اقول لك الكاسكو له امكانيات وقدرات اكثر من اليلوناب بالرغم من اختلاف السعر بينهم

وتحديد انه ذكر او انثى صعب لازم تحلل دم وبالنسبه كيف تعرف انه مريض

علامات المرض

خمول نفش ريش افرازات بالخشم صوت اثناء التنفس عيون مسكره او شبه مسكره يعني خامله

وجود علامات اسهال بالقفص او براز غير طبيعي

[ظاهر]

السلام عليكم

حيرني هل ببغاء كل اموره الصبح تختلف في اليل اليف ياكل ما يجعر الصبح يجعر ما ياكل اليوم يومين

براز الطير الصبح اخظر بعدين يرجع طبيعي يكون من برودت المكان

قريت موظوع في المنتدا يقول الاسهال نوعين والخظر نوع من الاسهال اجلكم الله


[

[no0La]

المشاركة الأصلية كتبت بواسطة ظاهر

السلام عليكم

حيرني هل ببغاء كل اموره الصبح تختلف في اليل اليف ياكل ما يجعر الصبح يجعر ما ياكل اليوم يومين

براز الطير الصبح اخظر بعدين يرجع طبيعي يكون من برودت المكان

قريت موظوع في المنتدا يقول الاسهال نوعين والخظر نوع من الاسهال اجلكم الله


[

وعليكم السلآم

اهلين أإخوي ظأإهر

أإخي لابد الطير يكون مرتاح في النوم يعني تخصص
له اوقات للنوم اقلها 10 ساعات ووقت الاسيقاظ حتى تعرف مزاجه
وتتأكد انه مو متعكر من شي ووقت ماتأكله حسسه بألامان وكلمه
واذا جعر قوله لا او عيب او اوص وتعود انك تقولها وقت مايجعر ..

البراز واسهال الطير انواع ممكن يكون من مرض
او مؤقت من أإكل معين يعني لاتكثر له من الخضروات والفواكه
وحاول توزعها على مدار الاسبوع لان اغلبها فيها كميه من الماء
وهي السبب بالاسهال ..

حاول تتأكد اذا كان الاسهال مرض او مؤقت
اذا مرض اقرب بيطري
واذا مؤقت وقف الخضار والفواكه واعطيه حبوب بكميات قليله

ايضا لابد يكون مكان الطيور معتدل في الحراره والبروده

موفق أإخوي