وين القى الكتاكيت بالرياض ؟

[كـاسـكو]

السلام عليكم ورحمة الله

معكم اخوكم من قسم الببغاوات

ما اطول عليكم

حبيت استرجع ذكريات الطفولة واشتري كم كتكوت لي الملونين

حبيت اسأل الله لا يهينكم

وين احصلهم غير سوق الحمام

خصوصا بشرق الرياض

والف شكر لكم

[محبه الحيوانات]

افضل تشتري الصوص البلدي اقوا قي تحمل يعيش

اما الملونين اغلبهم يموتون مناعتهم ضعيفه

شوف محلات الحيوانات

[ملك الكتاكيت]

آفضل لك تآخذ الكتآكيت الغير ملونة ؛

والكتآكيت الملونة تموت بسرعة ؛ ^^ مثل كلآم محبة الحيوآنآت ؛

الله يوفقكم ويحفظكم ؛

[صمت الأمل]

وعليكم السلام ورحمة اللهـ وبركاتهـ ..



أهلا وسهلا فيكـ ياكاسكو ,,



نورت قسم الدواجن .


عندكـ محلات في شرق الرياض في الملز رائعهـ جدا ..



محل التحسين ومحل فيفا .. وفيهـ محلات حوالينها ممكن تاخذ لفهـ فيها .



بس أنصحكـ تاخذ الفروخ البلديهـ مثل ماقالت محبة الحيوانات ,, هي سعرها أغلى .



بس مناعتها أقوى من الفروخ الملونهـ , وما أنصحكـ تشجع أهل المحلات عشان ماينتجون فروخ ملونهـ زيادة ..



والأضمن لكـ انكـ تروح لسوق حراج الطيور في الرياض لأنهـ أضمن مكان تلقى فيهـ اللي تبيهـ .



واللهـ يوفقكـ ويعينكـ .. تحياتي لكـ .

[كـاسـكو]

محبة الحيوانات


الله يعطيك ألف عافية ومشكورة على النصيحة

وبأعمل بنصيحتك ان شاء الله

ملك الكتاكيت

ربي يخليك وان شاء الله بأشتري كتاكيت موب ملونات

مشكور وماقصرت يالغالي

صمت الأمل

منور القسم بأهله والله

ومشكورة على الوصف وفعلا فيفا غاب عن بالي

وان شاء الله باروح بأسرع وقت

او أأجلها ليوم الخميس واروح لسوق الحمام عشان الحراج

ألف شكر لك