سؤال وجواب (في تدريب وترويض الببغاوات والعناية بها)

[no0La]

المشاركة الأصلية كتبت بواسطة عاشق ببغاء1

لاهنتي نولا على الاجابه
وربي يجزاكي خير

التطورات عندي
طيري صار يطلع على اليد
تنويع الاكل صار ياكل تفاح و برتقال وبطاطس وجزر
الاستجابه عند السؤال

بفضل الله ثم بفضلكم

ماشاء الله تبارك الله
الف الف مبروك اخوي عاشق ع التطورات
وان شاء الله يتطور اكثر واكثر وتصير محترف

سؤالي

1
الجواف كويس للطير
وهل الحبوب اللي فيه تضره او لا

الجوافه تسمى منجم الفيتامينات
غنيه بفيتامين ج
تقي من نزلات البرد

واكيد بدون بذورها ( الحبوب )
بس اعطيه مجرد قطع صغيرهـ

2
طيري اصرخ عليه يوم يجي يعض
هل هذا ياثر عليه او طريقه صحيحه

أإكيد يأإثر عليه ^_^
الطير يفهم ويحس اذا كنت معصب
واذا مبسوط منه و حنون عليه
يعني نصيحه ابعد عن الصرأخ والضرب ..

3
طيري يكره شيء اسمه القفص
ولو يموت جوع ما يدخل القفص
لازم اجيب له الاكل لعنده او اخليه ياكل من يدي
وانا صراحه مو فاضي كل يوم اقعد ساعه على الموال هذا

ابغى اسال حاليا عن حركته هذي ايش هو تفسيره
وهل كل الببغاءات مثله

اولأ .. عوده ع القفص وخصوصا وقت النوم
وبالنسبه لي انا القفص مخصص للنوم والعقااب وراح يتعود

حلو انه ياكل من يدك بس لازم تعوده يبحث عن طعامه
بنفسه علشان مخه يتحرك بالوقت اللي ماتكون فاضي له
وجاه وقت النوم حطه بالقفص وحط له الاكل والماء
واذا كان مو وقت النوم وع الاستاند اما تأكله من يدك
او تحط الاكل بمكانه المخصص واتركه لاتناظره
وراح ياكل من نفسه اذا جاع ..

بعض الطيور وانت تناظرها تحاول تعاند وتفهمك
مابي اكل وتنثر الاكل لانك تشوفها اتركه ومع الاستمرار راح يتعود ..

4
يوم انام بغرفتي
اسمع طيري يصرخ ويتكلم
واذا جيت له يسكت
جنني بالحركه هذي
ايش تفسير حركاته هذي

علما اذا جيت له اصرخ عليه واقول له اسكت
ويقعد يرد علي بتصفير ويروح ويجي فوق القفص
ما ادري احسه ناوي يرفع ضغطي

خصص له وقت للنوم اقلها 12 ساعه
وحط بالقفص علشان يتعود انه مكان النوم
ولازم ينام بمكان مظلم وهادئ بدون اي صوت ( يعيش جو الغابه )

هو اكيد مو مرتاح وقت النومه ويسمعك
او يسمع اصوات والاكيد بعد انك ماتحطه بمكان فيه
اصوات وعالم وقت مايكون مصحصح لازم ترتب له جدول
وقت للنوم ووقت للعب والكلام والمداعبه ووقت العصريه ( جمعة العائله )
الطير يتحرك ويتكلم بوقت النوم لانه مو مرتاح او الجو مو مهيئ للنوم
اخوي للمره المليون انصحك ماتصرخ عليه لانه يفهم
وبكذا راح يكرهك

عارف اني طولت بالاسئله
بس توي جديد بعالم الطيور
وصراحه هالببغاء اخذته بسعر غالي 2900
وعشان كذا انا حريص على سلوكه وتربيته

هلا بك اخوي بأإي وقت
وان شاء الله اشوفك محترف
طالما انك حريص على سلوكه وتربيته
انصحك تتقرب لطيرك واهم اهم شي الصبر ثم الصبر < مليون خط

موفق اخوي