افريقي فرخ ارجو المساعده من الجميع

[عزو11]

السلام عليكم ورحمه الله وبركاته

اخواني اعضاء توزو الكرام :

بما اني ولله الحمد شريت فرخ كاسكو ينغر عمره مابين 2_4الطير صحه تمام الحمد لله وشهيته مفتوحه للاكل بس اليوم وانا جاي اغره لقيت 4 ريشات من الريش الطويل للطير في اسفل الكرتون؟؟؟
والله صراحه ضاق صدري وقلت اسال اعضاء توزو يمكن يفيدوني .

وسؤالي هل الطير بهالعمر في مرحله تبديل ريش؟؟؟ولاايش تتوقعون ياليت تطمنوني


وشكرا

[عديم]

لا ماهو في حالة تبديل

ما اعرف سبب سقوط الريش

بالتوفيق

[عزو11]

مشكور اخوي عديم على مرورك .

ياليت لو في احد يعرف وش السبب؟

[بندولة حب]

اخوي ابد لاتخاف

بأذن الله مافيه شي والطير فرخ توه ماله بمنغصات الحياه همه اكله ونومه

ولاتلتفت لريشتين طاحت منه

عدها شعرتن طاحت بعينه ودمعت خخخخخخخخخخخخخخخخخخ متأثره باالشعر

الطير يتعرض لصتدام الريش بأي جسم ومن الاصدام تنكسر

وعلى فكره

شكرا للمساعده بموضوع جدا جدا قديم

[طير جارح]

الف مبروك الطير
و بس ريشتين الله يهديك هذا طبيعي عند كل الطيور لازم يطيح ريش
بس اللي مو طبيعي انك تلاقي القفص مليان ريش

[عزو11]

اولا مشكورين على المرور والمساعده الله يسعدكم بالدنيا والاخره والله فرحتوني بكلامكم بس انا للحين متحير الاربعه طاحت من جناح واحد طلع شكل الطير مو حلو
هل الريش هذا يطلع مع مرور الزمن>>>> متعوب عليها مع مرور الزمن
والطير ريشه ماهو نظيف هل اروشه الحين ولا بدري عليه ؟؟

وبالنسبه يا اخت بندوله للموضوع القديم جدا جلست ربع ساعه اعصر مخي لين عرفت وشو

وهذيك موب مساعده مني هذيك واجب علي لان الهدف من المنتدا تبادل الخبرات زي ماصار الحين

[بندولة حب]

انتبه لاتروشه

ثم تخسره لانه فرخ

جيب فوطه مبلوله بشوي اقول شوي مويه وامسح الريش كامل
والريش يطلع بسرعه لاتخاف

وانصحك تغذيه كويس وتدفيه

لانه عمره جدا حساس

ولاتنسى الفيتامين والمضاد مع السريلاك

واختار سريلاك مناسب وخاص باالطيور

وربي يوفقك

[سكر]

لا تشيل هم يا غالي ان شاء الله بسيطة

والفروخ بصفة عامة يكون ريشها ضعيف

لأن مهمته تكون أشبه بالحماية والدفئ أكثر من انه يكون للطيران

بس اذا كبر شوي وصار يرفرف,, ومستعد للطيران , يبدأ يتخلص من الريش الضعيف

شوف طرف الريشة من الجهة اللي تكون ملتصقة بالجناح

راح تلاقيها رطبة شوي,, وممكن يكون فيها دم,, أو سائل ,,

هذا دليل على انها ريشه غير مناسبة للطيران في هذا الحال,, وممكن تسقط بالحركة ,, أو ممكن هو يلعب وينتفها بنفسه,,

وبيطلع بدالها ريشه أقوى وأعمق,,

وهذا أشبه بالشعر اللي في وجه المراهق,, لما يبدأ بشعر خفيف,, وبعد فترة كل ما حلق الشعر يطلع له شعر أسمك وأقوى,,

وربي يوفقك يا قمر

تحياتي

[عزو11]

مشكر اخوي سكر والله لايهينكم يا اخوان على المساعده.

لكن ارجو من الاداره اغلاق الموضوع بسبب وفاه الطير (قدر الله وماشاء فعل )

اقول يازين يوم كان طايحه منه اربع ريشات اخف من فجيعه موتته

والله كنت مهتم فيه من ناحيه الدفئ والاكل لكن مدري وش صارله يمكن مات من الحر مع العلم اني حاطه بكرتون وحاط فوقه فوطه ومخلي له مكان يتنفس معه فتحه كبيره