طعام الببغاء .. تعال وسو جدول طعام لببغائك

[اكون او لا اكون]

يعطيك الف عافيه

والله انا تعبت مع الكاسكو حقي (كوكو)

ماخليت شي في محل الخضروات والفواكه الا جبته بس للاسف ماياكلها

علما اني نوعت له يعني مره شرائح ومره قطع صغيره ومره كامله لكن مافيه فايده

وياويلي لو اخليه بدون حبوب دوار الشمس وخلطة الحبوب يصير يطير ويطب فوقي واحيان وانا نايم

مثل اللي يقول قم حطلي حبوب لا اكفخك . واحيان والله يكسر خاطري القاه نازل من الاستاند ويلقط بعض

الحبوب من الارض , حاولت باكثر من طريقه اخليه ياكل الخضروات والفواكه دون جدوى .

يعني الموز مايدانيه والبرتقال انسى والكمثرى يحذفها والا هي باخر الغرفه والكيوي ينحاش من الاستاند كله

ويتركه والخيار بعد والمناجو انا بلشت بتقطيعها مو هو عاد . والخضره لا كوسى نفعت ولا قرنبيط ولا ملفوف جرجير

ولا بقدونس ولا حتى الجزر حرررررررررام ياكوكو والله حرااااام ونا ماغير اكنس وراه والقط من هالنعم .

الاشياء الوحيده اللي اكلها هي الذره يحب ( يعرمشها ) ويطحنها وكانها ماكنت موجوده والفلفل ياكل شوي

والباقي بس يقطعها .

والله يعين بس