اشترك في نشرتنا البريدية ليصلك كل جديد

لوكالوكا · 26-01-2010, 02:42 AM

عندي الطير كل شوي يحك منقاره بالقفص ولا ادري ايش فيه والاكل ماسك على الفول السوداني مع اني غيرت الاكل له ومالمس فيه شيء ومصر على موضوع الفول السوداني

تكفوون نصيحتكم

أبو ريـــــــــــــان · 26-01-2010, 03:18 AM

حك المنقار طبيعي وهذي عادة عند الطيور لتنظيف المنقار وبردة

وموضوع الأكل برضو شي طبيعي وحاول تسوي خلطة من عده انواع مع الفول السوداني ومع الوقت راح ياكل منها

لوكالوكا · 26-01-2010, 03:29 AM

الله يجزاك خير اخوي ابو ريــــــــــــان

طمنتني لكن فيه سالفه انه يطلع صوت غريب قبل يجي ينام من منقاره بعد مايطبقهم على بعض

lil1vip · 26-01-2010, 04:32 AM

صوت المنقار برضو طبيعي عندي مثل الصوت هذا
اقرب شئ لصوت صوت الطقطقه لمن يحتك المنقار مع بعض

~~دندون~~ · 26-01-2010, 04:38 AM

اكيد اوصيك بالمخلوط مره حلو وتفاح مره بالاسبوع الى مرتين وشكرا

naasooh · 26-01-2010, 11:41 AM

حك المنقار وأصوت طبيعي
وحاول أتنوع له بألأكل
شوف موضوع دأحمد توفيق بالمواضيع المثبته
و
شوف هالرابط
http://www.2zoo.com/vb/showthread.php?t=114781
إنشاء الله يفيدك

صمت الأمل · 26-01-2010, 12:43 PM

حااااول انك ماتخليه يعتمد على الفول السوداني ..

لأنه دسم جدا ويكفي حبتين بس في اليوم ..

أنت حاول شوي شوي تسحبه منه .

يعني اذا تعطيه في العليه 10 حبات لأ خليها 7 مع الحب الشمسي ..

واليوم اللي بعده 5 .

واللي بعده 3 .

يعني حتى هو بنفسه راح يقتنع ان الفول السوداني خلص ..

هذي تجربتي مع ببغائي في الفول السوداني .. وكان مدممممن عليه .

بس الحين الحمدلله ما أعطيه الا حبه في الأسبوع .

الفول السوداني زين بس كثرته مضره جدا ... ويسبب له التشحم والتعب ..

بالنسبه لصوت المنقار وحكة على القفص طبيعي .. والصوت اللي قبل ماينام كذلك طبيعي ..

لو الببغاء يسمح لك تشوف من داخل منقارة العلوي راح تلاحظ ان منقارة مشرشر ..

وهذا اللي يخلي الصوت يطلع .

واذا هو أليف وتبغاه ياكل الفواكه والخضار بلغني على صفحة رسائل الزوار..

لوكالوكا · 26-01-2010, 02:07 PM

شرفني مروركم المفيد اخواني

lil1vip

دندون

naasooh

صمت الأمل

وبجرب معاهـ طريقة تقليل كمية الفول اليومي مع وضع نوع آخر من الأكل وبثبت هذا النوع حتى يتوعد عليه

راح اوافيكم بالنتائج عما قريب

ارق التحايا