<<". ديوانية القطاوة ".>>

[Dominique]

هااااااااي
والله خوش موضوع ميرسي قطو كويتي على هالمبادرة جذي راح نتعرف على أنواع مختلفة من القطط والسلالات
ودومينيك بعد عمري صوره بالتوقيع
أهو شنو قصته :
الله يسلمك كانت عندنا يدته ( جدته أم أمه ) عطتني اياها رفيجتي من قبل 3 سنوات الجدة مع بنتها ( أم دومينيك) . بعد 3 أيام عطيناهم حق رفيج أخوي لأن يربي قطاوة ويزاوجهم .. فالبنت الله يسلمك ( أم دومينيك ) كانت رمادية بأبيض بذهبي خفيف تزاوجت مع شيرازي أبيض وطلع الناتج 3 أخوة .. دومينيك مثل ماتشوفونه بس كلما يطول الشعر يطلع لون أبيض تقريبا أفتح درجة من الرمادي وهذي أول مرة أشوف هالظاهرة بالقطط إنه لون الشعر ينزل ويطلع لون أفتح كلما طال الشعر .. وأخته هذيج تينن نفس التايغر اللي عندك بالضبط.. والثالث ذكر نفس دومينيك تقريبا بس مخطط أكثر .. ردلنا هالأحفاد لأن صار عنده وايد بالبيت وكانت لنا الأولوية لأن احنا أصحابها من قبل.. كلهم تصرفوا وأول وحدة التايغر والمخطط وراها وظل عندنا هالخبل دمدم .. فحاولنا نقنع أمي وأبوي علشان نخليه عندنا والحمدلله صار..
ظل عندنا إلى يومك هذا وانشالله دوم ..
فنوعه آنه متحيره فيه شوي أهو من ناحية شيرازي شيرازي .. بس شنو عاد رفيجتي قالتلي انه أمه ويدته كانوا مون فيس والذكر أبو دومينيك كان سوليد ( أبيض خالص ) فأعتقد انه دومينيك مون فيس لأن ماخذ من يدته وايد .

عمره : 25/9 يكمل سنة بعد عمري .

لا يمكن يتزاوج لأن من سن 7 شهور بلغ وسويناله اخصاء .

أتمنى اني ما قرقت عليكم وصكيت راسكم

مشكور على الموضوع مرة ثانية