للاسف :: بين الحياة والموت !!

[wwvip]

السلام عليكم ,,

صباح الخير جميعا .. وكل عام وانتم بخير قبل الزحمه وتقطيع اللحمه .. مع ان الخرفان غاليه ذا الايام وصل سعرها 1500 وبعض الناس ما هو بذابحن اضحيه لارتفاع الاسعار .. وارتفاع الاسعار شئ مقلق صراحه بعد ظاهره الاحتباس الحراري اللي تؤثر علينا وعلى انتاج الفواكه بالعالم .. والعالم كله زين لان فيه انتم !!<< ماسك خط على الصبح خخخخخ

المهم ..

حبيت اوصل لكم بعض الاخبار عن القط المسكين اللي عندي ..

واسئل الله ان ما يحرمني الاجر في الاعتناء فيه مع انه صار مقلق الفتره هذي بقوه للاسف

طبعا كان يعاني من يوم شريته من امساك قوي لدرجه ان بطنه كان منتفخ بشكل قوي جدا

وهذا الشئ كلكم عارفينه ..

وكان القط بعد ما دققت في لون الفم ولون باطن القدم ... كان اللون اصفر بشكل غريب .. يعني يعاني من جفاف حاد

طبعا اشتريت عبوة بيبي لايت الخاصه بالاطفال على اساس الجفاف اللي يجيهم

واعطيته اول يوم 30 سنتم بالفم غصب طبعا

وكررته اليوم اللي بعده كذلك بكميه اكثر

اليوم الثالث من اعطائه البيبي لايت .. قام يخرج اعزكم الله بالبدايه جاف
بعد كذا سائل مع دم !!

واستمر الدم مده يومين بعدها توقف .. بس الاسهال للاسف لسى موجود بشكل قوي
وريحه جدا جدا جدا جدا خايسه

لدرجه انه خيس البيت كله من قو الريحه

طبعا شرب الماء ما فيه مشكله عنده يشرب عادي الحمد لله

بالنسبه للترويش سبحته الحمد لله بعد صعوبه في الموضوع واستشورته وكل شئ وطلع نظيف

الوضع الان


::: الايجابيات :::
يشرب الماء
زوال الانتفاخ في البطن


::: السلبيات :::
ما صار ياكل حتى لو تونه
دائم اسهال له ريحه قويه
الفتره هذي صار منكمش على عمره بشكل اقوى من اول مع انه قبل يومين كان عادي يمشي بالحوش والبيت ويلحقني احيان


ما ودي اطول علىكم بالرد لكن هذا الرد وكمل القط الان عندي اسبوع ويوم واحد

بعض الصور بالاسفل


اللون الاسود حول العين خفيف بس كميرا الجوال تطلعه قوي مرره ووضع عيونه ترا تمام بس الصوره مو ذاك الزود






وترقبوا المزيد بعد تحسن الحاله باذن الله اكثر


يلا اشوفكم على خير