ببغـــــاني ( حــــــزين ) وش اســــوي ؟!

[د. إحتـراف]

السـلام عليكم

اختي من وصفـك نقول ان ببغائك مو مريض ولله الحمد وهذا اهم شي

لان الببغاء اذا ماكان مريض يهون كل شي

أتوقع ان ببغائك يعاني من الملل + مافي شي جديد في حياته

الحل بسيط جدا

اول شي انتي تقولين انه برا القفص حقه يعني مايدخله وهذا السبب

الطير خارج القفص ومحرر يروح ويجي على كيفـه وهذا غلط

الحين لازم انك تعودين الطير على القفص

الطير اذا انحبس في القفص راح يحس بالملل وراح يتجه لـ التصفير + الكلام

اتوقع ياخذ وقت لحد ما يحس بالطفش ويبدا في التصفير والكلام عشان يبعد الملل عنه

بعدين اذا طيرك صار يتكلم وهو محبوس في القفص تبدين تطلعينه فترات معينه

مثلا الصباح او العصر او المغرب

بعدين يدخل القفص ويجلس فيه

اهم شي ان الطير يقضي اغلب وقته في القفص وتجلسين معه يعني تحطينه في القفص وانتي معه في نفس الغرفه وتكلمينه وتنادينه حتى يتعود على القفص

راح تلاحظين تغير في الطير في لايام الاولى اذا انحبس لانه ماتعود على القفص

اهو كان متعود على انه يكون خارج القفص

المهم الان ان الطير مايطلع من القفص

يمكن تلاحظينه يسكت مره لا تتعاطفين معه

يمكن يبدأ في نتف الريش شي عادي الحل انك تدهنين الطير بـ زيت الزيتون وراح يتوقف

هذي كلها افتراضات يمكن تصير ويمكن لا

لان للأحاطه اقولها لك

اتمنى أكون افدتك

تقبلي مروري