ممكن مساعده يا اخواني

[حياتي غير]

عندي كاسكو عمره مابين 7 شهور الى 9 شهور مادري ويش فيه مايحب ابداً يكون داخل او فوق القفص مع انه معظم وقته خارج القفص ويكون نايم واذا دخلته بالغصب يصير كأنه مجنون يحاول يدور مخرج عشان يطلع من القفص المشكله انا معظم الوقت اكون طالع ما اقدر اخليه طول الوقت خارج القفص وللحين مانطق بحرف ولا صفر والحين كمل شهرين معاي
وارجوا منكم الافاده

[$المزمار$]

طيب حطله العاب داخل القفص يمكن يدخل يلعب

والله يعينك عليه

ولا خليه برا وحطه بمكان ما فيه خطر يعني مثلا مدخل البيت او سيب او اي شي ما في اسلاك او خطر


والله الموفق

[حياتي غير]

مادري ويش سالفته وكل يوم يمر احس كرهه يزيد ومايحب القفص خير شر الي خايف منه لايكون مريض وانا ماداري عنه

[حياتي غير]

ارجو الافاده من اصحاب الخبره

[ابو محمــد]

عزيزي السائل طيرك مثل الطفل اذا عودته ع شيئ صعب تطوعه ،لكن في حل اذا شفته قام يستهبل عليك ويسوي ازعاج حط ع القفص غتره بيضاء وكذا راح يفهم انك تعاقبه ومع الوقت راح يصبط

[حياتي غير]

اخي قصدك اغطي القفص ولابس اخلي الغتره فوق القفص

[naasooh]

المشاركة الأصلية كتبت بواسطة حياتي غير

عندي كاسكو عمره مابين 7 شهور الى 9 شهور مادري ويش فيه مايحب ابداً يكون داخل او فوق القفص مع انه معظم وقته خارج القفص ويكون نايم واذا دخلته بالغصب يصير كأنه مجنون يحاول يدور مخرج عشان يطلع من القفص المشكله انا معظم الوقت اكون طالع ما اقدر اخليه طول الوقت خارج القفص وللحين مانطق بحرف ولا صفر والحين كمل شهرين معاي
وارجوا منكم الافاده

أفضل مكان للتدريب على الكلام القفص
وعلى وضعه الحالي تقدر
تعوده بأنه ماهوو دايما يطلع من القفص مثل ماتعود أنه دايما خارج القفص
ونصيحتي لك لا يتعود بأنه بوقت محدد راح يكوون خارج القفص
تراه ذكي وراح تكون كعاده له خليها بأوقات فضاوتك غير مرتبه

[حياتي غير]

المشكله انه عنيد اليوم قلت بعانده وبخليه ف القفص يوم كامل رجعتله المساء حصلته معور نفسه وملعوز القفص بدمه من رجله وجناحه وشكلي بآخذه البيطري بكره وبوديه على المحل الي اشتريته منه ماريده يموت عندي اخليه يتصرف فيه