اشترك في نشرتنا البريدية ليصلك كل جديد

سمساار · 29-09-2009, 11:44 PM

السلام عليكم ورحمة الله وبركاته
أخواني أخواتي الأعزاء أعتذر على عدم الرد على تسائلاتكم
بسبب إنتهاء العرض الصيفي لسنة 2009
وسوفه أوعطيكم خطوات تدريب الطيور على الطلوع على اليد وتدريبهم على الكلام

حياك الله
اول شيئ تقليل الاكل لي نص الكميه اليوميه المعتاده
رفع القفص عن الارض بارتفاع يناسب طول جسم المدرب
اخراج الطير من القفص ووضعه فوق القفص ليتلقى مراحل التدريب
تأكيل الطير من اليد مباشرتا
بالبدايه ماراح يتقبل وبعدها بياخذ الاكل ولكن للاسف راح يرميه
طولة البال ضروريه في هذي المرحله والمعامله الطيبه مهمه ايضا
معاملة الطير وكأنه طفل صغير جدا مهمه
التكلم مع الطير اثناء التدريب ايضا مهمه
بعد كل هذي المعامله اكيد بخف منه الخوف وخف الجعير
ويبدأ ياكل من ايد المدرب
تكرار هذي المرحل ليتم التاكيد عليه انه ياكل من اليد

طريقة المسح على الطير
يتوجه المدرب بيده باتجاه الطير تدريجيا من تحت الى فوق ببطئ شديد الى ان يصل للرقبه والمسح عليها بحنيه الى ان يصل بالمسح لراس مع مراعات الكلام معه اثناء التمرين كي يخفف من روعة الطير اذا تمت المرحله بنجاح تقدم له اكراميه مثل (حبة عباد الشمس - حبة فول سوداني - قطعة من الفواكه - الخ الخ الخ )
تكرار التمرين ياكد حفظ الطير للحركه مهم

طريقة الصعود على اليد

يتوجه المدرب بيده الى الطير من تحت مستوى الطير الى ان يصل لبطن الطير تدريجيا وببطئ شديد مع مراعات التكلم معه
يقوم المدرب برفع الطير تدريجيا وببطئ شديد الى ان يصعد الطير برجله على يد المدرب مع مراعات التكلم معه والمسح عليه وارجاعه الى مكانه مره اخرى ودفع الاكراميه له
تكرار التمرين ياكد حفظ الطير للحركه مهم
وبعدها يقوم المدرب بتصعيد الطير على يده والابتعاد عن مكان القفص تدريجيا بمسافه كافيه كي لا يحاول الطير الرجوع الى مكانه مع مراعات التكلم معه والمسح عليه

يقوم المدرب بنقل الطير من يده اليمين الى يده اليسار مع التكرار مراعات التكلم معه والمسح عليه وبعد نجاح هذي المهمه يقوم المدرب بنقل الطير من يده الى يد شخص آخر متكرار ومراعات
التكلم معه والمسح عليه

وهكذا نكون قد انتهينى من مراحل التدريب الحركي ويتبقى تدريبه على الكلام
اتمنى لكم التوفيق والنجاح

حياك الله

تعليم الكلام لطير يتطلب منك تجهيز مكان له قبل الدخول على تعليمه وهي
1- اعلم انه تدريب الطير على الكلام سوفه يكون على فترتين باليوم الواحد وهي (صباحيه-مسائيه)
2- مده الفتره الواحده لا تتجاوز النص ساعه فقط لاغير
3- يتم تجهيز مكان يمتاز بالهدوء وخالي من اي شيئ يلفت نظر الطير له مثل (الاكل والشرب-اصوات خارجيه-نوافذ يطل منها الطير الى الخارج-مرور اشخاص من قربه-وجود حيوان او طير آخر بالقرب منه-الخ الخ الخ من المؤثرات التي تشتت انتباه الطير عن التمرين)
4- ان يكون الطير في مكان مرتفع عن سطح الارض لايقل عن المتر الواحد او ان يكون واقفا على استاند
5- يجب على الملقن ان يختار لطير كلمه واحده فقط بصوت واضح وكلمه سلسه بالنطق في بدايه التعلم
6- يجب ترك الطير ينام ليلا في مكان مظلم وهادء من 8 الى10ساعات
خطوات التمرين اليوم الاول هي
الفتره الصباحيه وهي تفضل في اول الساعات الصباح المشرقه
يذهب بالطير الى مكان التمرين ويبدأ بتلقينه اما بصوت الملقن مباشرتا او عبر جهاز تسجيليذاع له على ان تكون الكلمه المختاره له خفيفه مثل كلمة (هلا-ماما-بابا-كوكو-هلو-الخ الخ الخ) من الكلمات الخفيفه ان تكون مدة التمرين لاتتجاوز النص ساعه فقط لاغير ومن بعدها يتم ارجاعه الى مكانه لياكل ويشرب ويمارس حياته اليوميه حتى موعد الفتره الثانيه لتمرين وهي تبدأ من بعد صلاة العشاء مباشرتا وعلى نفس منهاج خطوات الفتره الصباحيه ولمدة نص ساعه فقط وبعدها يترك لياكل ويشرب وينام ليجهز ليوم جديد مقبل

تكرر هذي الطريقه له حتى تسمعه ينطقها بوضوح ومن بعدها تنتقل لباقي الكلمات المختاره له

اتمنى لك التوفيق والنجاح

في حال اي استفسار مستقبلا تلقاني عندك و

انا دائما بالخدمه
اسئال الله القبول

كوكاتيل قطر · 30-09-2009, 02:46 AM

مشكور اخوي على المعلومه
الله يعطيك العافيه
او اتمنا لك التوفيق و السعاده في حياتك

mu7amd · 30-09-2009, 10:41 AM

الله يجزيك الف الف خير وصراحه فخر لنا ان نجد نوابغ مثلك يقدومن خدماتهم لغير
فجزاك الله الف الف خير

NasseR GalvK · 30-09-2009, 08:37 PM

الله يجزيك خير الجزاء على الجهد الجبار

معالي · 01-10-2009, 02:44 PM

مشكور جدا على الموضوع

طيري يتكلم كلام مو واضح
مايفتح فمه
وش اسوي

ms.candy · 01-10-2009, 07:47 PM

اقتباس:

المشاركة الأصلية كتبت بواسطة ms.candy

1-عمر الكاسكو (لون العيون)؟
سنة تقريبا
أسود
2-الكاسكو أليف ولا لاء؟
يعني
3-جناح الكاسكو كامل ولا مقصوص؟
مو مقصوص
4-عندك طولة بال على الكاسكو؟
تقريبا أي
5-انت اتخاف من الكاسكو يعضك؟
أي
6- حاط الكاسكو داخل قفص ولا على استاند؟
في قفص

ساعدني بليز

رد على بليييز

hnoo · 02-10-2009, 08:04 PM

والله جزاك الله خير يا اخوي =)

سويت كل الي قلت لي والطير الحين صار يجي على ايدي =)

ماقصرت والله

يعطيك العاافيه =)

عآآشق الهآمستر · 02-10-2009, 08:09 PM

يـاليتكـ تساعدنـي ياخوي
الطير توهـ جديد وانا بعد جديد

بس احتاج مساعدتكـ له يأكل من اليد يعض بس مو بقوة مره بس إذا خاف يبغى يشيل اصبعكـ

وارجوا المساعدهـ قبل مايتم يوم او يومين تكفى

~~نيمو ببغائي~~ · 04-10-2009, 01:40 AM

انا عندي ببغائين دره حقي انثى لونه اخضر وخوااف وقصيت جناحة وذا طلعته وناظرته من بعيد واقف فوق القفص اذا قربت يدخل جو القفص عمره يمكن بين 7 و9 شهور تعرف لدرة ولا بس الكاسكو وانا مب خايف من عضته بس اخاف اذا صرخ تكفا اطلبك تساعدني

~~نيمو ببغائي~~ · 04-10-2009, 02:02 AM

المشاركة الأصلية كتبت بواسطة ms.candy

بسترا نوعه الدرة تعرفله؟؟ وتكفا ساعدني لي اربع ايام شاريه وهي انثى

عمر الكاسكو (لون العيون)؟
ما ادري اتوقع 7 او 9 شهور

2-الكاسكو أليف ولا لاء؟
لا خواف اما عضته خفيفة

3-جناح الكاسكو كامل ولا مقصوص؟

مقصوص

4-عندك طولة بال على الكاسكو؟
انشاءلله

5-انت اتخاف من الكاسكو يعضك؟
لا

6- حاط الكاسكو داخل قفص ولا على استاند؟

داخل قفص واذا طلعته احطه فوق القفص واذا قربت يخاف ويدخل داخل القفص