رآئحه الفم

[آنـــــو]

هو طبيعي يكون فيه ريحه عند القطط لكن بحد معقول

لكن أذا كانت قويه وشديده ،، له أسباب كثيره

تراكم الجير والبكتيريا على سطح الأسنان والتهاب اللثه / التهابات الفم وتقرحات / مشاكل هضميه / نوعيه الأكل وردائته مثل الويسكاس

وفيه أسباب مرضيه أشد خطوره بعيد الشر عنها ,, بذكرها للفائده العامه ..

مثل خراجات الأسنان / الامراض الرئويه / مرض السكري/ الكلى / قرحة المعده / الأورام

.....

أذا كانت الرائحه قويه تودينها البيطري يشيك على فمها ولثتها أذا كان فيه مناطق فيها أحمرار دلاله على الالتهاب

وماأتوقع فيها بما أنها صغيره لأن الالتهابات غالباً ماتجي بعد عمر 6 شهور

نظفيها لها أسنانها بفرشاه ومعجون خاص .. أو قطعة شاش تلفينها علي أصبعك وتغمسينها بمويه أو زيت التونه

حتى تنبسط على الطعم وتتعاون معاك .. بصفه مستمره علشان لاكبرت تتعود على هالروتين

وبرضو الدراي فود يساعد على منع تكون الجير ..

وفيه بالمحلات منتجات خاصه تحسن وتعطر رائحة الفم بالنعناع .. شفتها بمحل بس ماجربتها ..

وأتمنى أني أفدتك