انصحــــوني ,, كيــــف أدربـــو عليـــها ,,

[Mo0oMo0o]

السلام عليكم ورحمة الله وبركاته

أكتب الموضوع وقلبي يإلمني جدا على قطي لأنو مطره على دا الشي

طلبي هوا كيف أعودو على الطوق والحبل الطويل

شوفو هادي فكرة الموضوع :

سيبكم من الكلب شوفو اللي بجسمو :



ودحين صور الطوق والحبل وهوا في ميشــو :







المشكله إنو مره مره مو حابها ولا راضي يتعود عليها اشتريتها يوم الخميس وانا بالمحل حق الحيوانات وعملي هيا البيطري وسار مايمشي على قدام
يمشي على ورا عشان يطلعها من جسمو > ذكي بسم الله عليه ماشاءالله

وفعلا عملها مره وطلعها من جسمو // وعرف كيف تطلع وسار كل ما ألبسو هيا يعمل نفس الشي مايمشي على قدام لا يعكس عشان تطلع > ماقولتلكم ذكي < قولو ماشاءالله تبارك الله لا تنسو

بالعاده عندو لبس حق القطط ألبسو عشان مايقدر يتحرك وعادي أشيلو وأروح فيه للبيطري
لكن يوم الخميس لاحظت إنها مره مره صغرت بسم الله عليه كبر حجمه ربي يحفظه
وماتدخل عليه بالمره قمت شلتو ورحت للبيطري طبعا وأنا بالطريق لما انزل عالشارع يخاف مره من السيارات والاصوات القويه وإيش اخدت خمش من كتر ماطلع أضافيرو > مو نسيت أقصها من فتره طويله < مو لأنو مايطلع أضافرو ابدا < أليف جدا
المهم وعشان كدا اشتريت الطوق والحبل لأني والله تعبت وتشوهت جسديا بسببو مسكين

دحين أنا مطره بكره أوديه البيطري مراجعه ولازم يلبسها أنا طبعا عدلتها سارت ماسكه على جسمو مو قادر يطلع منها < متماسكه فيه
لكنو مسكين من كتر مايطفش وهوا يحاول يطلعها سار يطيح على جنبو ويجلس ويتقلب عشان تطلع منو

انا هادا بس أجرب عشان بكرا أكون مستعده ما أتعب معاه بس شوفو كيف المشكله أنا أحس فيه وما أبغى شي يضايقو حتى لو كانت نسمة الهوا فمابالكم أشوفو مضايق بسبب شي أنا أحطو فيه < قلبي يإلمني مره

حاولت أديه حلاوه المكافئه لما يكون مطيع ويكون هادي وهوا لابسو لكن مافي فايده بس يسببلي إحباط

قلت ممكن لأنو شي جديد عليه بس ماحجلس كل شويه أشيلو لأنو بسم الله عليه ماشاءالله سار تقيل حبتين ويدي انكسرت وسار عندي زي الشد العضلي من كتر ما أشيلو يلزمني راحه لو يومين

كيف أتعامل معاه بكرا والمرات الجايه ,, ارشدوني ..

[اخت امل]

اظن هذي الحبال للكلاب بس انتي تبغي تخلية يمشي ع الارض لمن تاخذية مكان
بدل ماتشيلية بس كذا بتتوسخ رجولة ويمكن يكون في شي مونظيف ع الارض وهو يدعس علية
ريحي نفسك ولاجيتي تروحي مكان حطية في البوكس وخلي اي احد يشيلة
وبما انة جدا متضايق وانتي ماتحبي تشوفينة كذا خلاص حرام لاتضايقينة
وخلية ع راحتة .زي بستي وحتي طوق انا ماحطيت لها.

[Mo0oMo0o]

هوا قالي حق قطط وكلاب يعني كلو لكن أنا أبغاه يتعود عليها ما أبغى البوكس مايحب يدخل جوتو يجلس يموء من الخوف وما أحب فكرة الحبسه جواتو فـ مني مرتاحتلو بالمره لأني جربت بوكس حق الخرجات لكن زي ماوقلتلك مانفع والله تعذبت زياده
هوا بس مشكلتو يمشي عكس عشان يطلع منو ,, T_T

[أصــاايــل]

شوفي عسوووله

قليل مررره قطط ترضى بالسير هاذا

لاكن اذا انتي مره مرره مظطره ماراح يتعود عليه بيوم ولايومين

يبيلك فتره عشان يتعووود عليهااا

وحاولي ماتظغطين على شعره مره عشان مايتسااااقط

واتمنى احد يفيدك اكثر مني ..

[OUT]

عادي لاتجبريه عليها

خليه على راحته بدون مايتضايق

البوكس افضل واذا خاف بيتعود عليه بعدين

[marshmallow]

السلآم عليــكم .. ^^

صعبهـ عليهـ يلبس الطووق وهو مآإ تعود عليهـ ..

لو متعود عليهـ وهو صغيير أفضل ..!

شووفي ..!

حآإولي بالبدآإيهـ تلبسيهـ طوق نآإعم .. وخفيف عليهـ ..

وبدوون حبل ..

والأفضل تلبسيهـ وهو نآإئم .. حتى لآ يحس بهـ ..

وخليهـ عليهـ فترهـ .. هذآإ إذآ كآإن مآإ يضآإيقهـ

وإذآإ تعود لبسيه الحبل العآإدي الي تبغيهـ ^^


بالتوفيــــق

[Mo0oMo0o]

أنا خليت الطوق حق الجسم لوحده عليه بدون الحبل طبعا
بحاول كل يوم ألبسه شويه وأشيله ألمن يتعود عليه وبصراحه شغلة البوكس مو مريحه ليا أنا كمان
أحس هادي أفضل بس يارب يتعود عليها محتاره كيف أتصرف معاه اليوم الله يستر ..