منتديات تو زوو - انصحــــوني ,, كيــــف أدربـــو عليـــها ,,

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - انصحــــوني ,, كيــــف أدربـــو عليـــها ,, (http://www.2zoo.com/vb/showthread.php?t=138336)

انصحــــوني ,, كيــــف أدربـــو عليـــها ,,

السلام عليكم ورحمة الله وبركاته

أكتب الموضوع وقلبي يإلمني جدا على قطي لأنو مطره على دا الشي

طلبي هوا كيف أعودو على الطوق والحبل الطويل

شوفو هادي فكرة الموضوع :

سيبكم من الكلب شوفو اللي بجسمو :

http://4.bp.blogspot.com/_fmvrO1fAeu...otos+00013.JPG

ودحين صور الطوق والحبل وهوا في ميشــو :

http://up4.m5zn.com/9bjndthcm6y53q1w.../7lvhdcjvv.jpg

http://up4.m5zn.com/9bjndthcm6y53q1w.../slmsxrkuz.jpg

http://up4.m5zn.com/9bjndthcm6y53q1w.../z9li5g5ro.jpg

المشكله إنو مره مره مو حابها ولا راضي يتعود عليها اشتريتها يوم الخميس وانا بالمحل حق الحيوانات وعملي هيا البيطري وسار مايمشي على قدام
يمشي على ورا عشان يطلعها من جسمو > ذكي بسم الله عليه ماشاءالله :angry:

وفعلا عملها مره وطلعها من جسمو // وعرف كيف تطلع وسار كل ما ألبسو هيا يعمل نفس الشي مايمشي على قدام لا يعكس عشان تطلع :eek: > ماقولتلكم ذكي < قولو ماشاءالله تبارك الله لا تنسو

بالعاده عندو لبس حق القطط ألبسو عشان مايقدر يتحرك وعادي أشيلو وأروح فيه للبيطري
لكن يوم الخميس لاحظت إنها مره مره صغرت بسم الله عليه كبر حجمه ربي يحفظه
وماتدخل عليه بالمره قمت شلتو ورحت للبيطري طبعا وأنا بالطريق لما انزل عالشارع يخاف مره من السيارات والاصوات القويه وإيش اخدت خمش من كتر ماطلع أضافيرو > مو نسيت أقصها من فتره طويله < مو لأنو مايطلع أضافرو ابدا < أليف جدا :rolleyes:
المهم وعشان كدا اشتريت الطوق والحبل لأني والله تعبت وتشوهت :( جسديا بسببو مسكين

دحين أنا مطره بكره أوديه البيطري مراجعه ولازم يلبسها أنا طبعا عدلتها سارت ماسكه على جسمو مو قادر يطلع منها < متماسكه فيه
لكنو مسكين من كتر مايطفش وهوا يحاول يطلعها سار يطيح على جنبو ويجلس ويتقلب عشان تطلع منو

انا هادا بس أجرب عشان بكرا أكون مستعده ما أتعب معاه بس شوفو كيف :( المشكله أنا أحس فيه وما أبغى شي يضايقو حتى لو كانت نسمة الهوا فمابالكم أشوفو مضايق بسبب شي أنا أحطو فيه < قلبي يإلمني مره

حاولت أديه حلاوه المكافئه لما يكون مطيع ويكون هادي وهوا لابسو لكن مافي فايده :( بس يسببلي إحباط

قلت ممكن لأنو شي جديد عليه بس ماحجلس كل شويه أشيلو لأنو بسم الله عليه ماشاءالله سار تقيل حبتين ويدي انكسرت وسار عندي زي الشد العضلي من كتر ما أشيلو يلزمني راحه لو يومين

كيف أتعامل معاه بكرا والمرات الجايه ,, ارشدوني ..