امزوني مجنني

[haythm]

السلام عليكم ورحمة الله وبركاته

يا شباب عندي دبل هد عمره سنه

وعندي مشكله انه يصرخ وصراخه مزعج جدا كيف اخليه يبطل هذي العاده

تكفى يا شباب لا تبخلو على باي معلووومه

وكل ما يتعلق في تريبة مثل هذا الطير

[هواوي]

هلا اخوي هيثم

بالنسبة للحل لا يوجد حل لهذه المشكلة الا انك تطفي النور عليه او تحط عليه غطاء

وهذه الحلول ما تناسبك لانك ودك تستمتع بالطير او انك تشوف واحد ثاني وتبيع اللي عندك

ومعروف ان الطيور الامازونية مزعجة وهذه طبيعتها

[كاسكوكيه]

السلام عليكم و الرحمه.. اخوي عشان مشكلة الصراخ اللي عليك تسويه انك اول شي لو الطير متعود عليك فاحتمال كبير انه يصرخ عشان يزيد انتباهك له

و بعطيك طريقه تجربها.. بس بتتطلب منك مجهود و وقت.. اللي هوه انك يوم تطلع من الغرفه اللي فيها الطير و صرخ .. لا ترد عليه باي صوت ولا اي شي... ولا ترجع للغرفه الين ما يسكت.. و يوم يسكت على طول ارجع للغرفه و اعطيه مكافأه.. اي شي يعيبه من الاكل و الحبوب ^^

و بعدين ارجع و كرر الحركه مره ثانيه.. الطير بينتبه انه لو كان ساكت و ما يصارخ انته تعطيه الحبوب ^^

بس لو صارخت عليه فما بيتعلم غير الصراخ

موفق خير امين ^_^ و الصبر ثم الصبر ثم الصبر

[haythm]

فكره حلوووه واشكركم على الرد وتنويركم صفحتي

الله يسعدكم ولو في اي معلومات عن الدبل هد وكيف اعلمه يغني

[خيال الروح]

انا مثل حالتك عندي امازون يلوناب عمرخ 7 شهور هم بعد مزعج ويصرخ وازعج البيت والله

[hawi56]

اخوي الكريم علاج الجعير بسيط ولاكن يحتاج لجهد ومثابره ...

هناك مجموعه من الطرق العربيه والغربيه... ولاكن لازم تعرف نوعيه الجعير ..

هل هو والف عليك ويجعرلك يناديك
ولا خايف منك ويجعر ما يبغاك...

لو الاولى زي ما قال اخوي لمن يجاعر طنشو ومن يوم ما يسكت ارجعلو وكافئو بالاكل الي يحبو

لو الثانيه تحتاج مجهود اكبر شوي لاكن انا راح اديك الحل الغربي.. لو ما نفع راسلني على الخاص نشوف طريقه تانيه...

(الطريقه معدله من قبلي)
1- اشتري دباسه صغيره الحجم لونها غير ملفت ومافيها زخارف
2- لو قربت من الطير وجعر اثبت محلك واستمر على الكلمه الي كنت تقولها لاتقرب ولا تبعد ومن يوم يسكت امشي
3- بعد ما تجيب الدباسه قرب من الطير شويه واكيد بيجعر اتركو لين يهدا ثم اضغط بالدباسه كلك كانك تدبس وامشي
4- كرر العمليه لمده اسبوع وشوف هل قدرت تقرب منو لمسافه اكبر ولا لا وراسلني على الخاص.

ولاتنسى تنبه اي احد بيقرب من الطير على الخطوه 2......