هام جداً لأصحاب الخبره لو سمحتوا

[توني دريت]

بسم الله الرحمن الرحيم

أعزائي كل عام وأنتم بألف خير وتقبل الله منا ومنكم صالح الأعمال
أنا ضيف جديد لديكم في هذا المنتدى الرائع واللي خلاني أشتري ببغاء أفريقي هو منتداكم وكان عندي فضول أني أشتري هذا الطائر الرائع واقتنائه وتعليمه
بقولكم وش سويت ، رحت سوق الحمام قولو لاياشيخ اشتريت ببغاء افريقي رمادي بسعر 1000 ريال عمره تقريباً 9 شهور واللي أعجبني فيه
أنه مايجعر كثير وأقدر أقول مايجعر أبدا الا لما حملته في السياره وصحته الحمد لله سليمه وبدأ يصفر بس مرتين ومن جبته للبيت وحطيته في القفص ما أكل ولاشي
بس اليوم بعد صلاه الجمعة أخذت القفص وغيرت مكانه يعني سويت له فره في البيت ورجعته لنفس مكانه بدأ يأكل ويشرب بشراهه شكله كان جوعان بس المشكله
اللي لاحظتها عليها انه مايتحرك يعني مايلعب حركته قليله فالمطلوب يالغالين :-
هل الشي هذا طبيعي والا لا ؟
ومتى أبدأ أخليه يآكل من يدي ؟
وعلى فكره تروني أخاف من العض أنا مادخلت يدي له علشان مايعض وأحقد عليه
ومتى أطلعه من قفصه ؟ مع العلم اني قصصت أظافره وجنحانه وكل شي جاهز
بس فيه شي غريب جالس يناظرني كأني ذابح أبوه

تحياتي لكم جميعاً وأشكركم مره ثانيه على هذا المجهود
دمتم بأتم صحه وعافيه.

[عازف الكيبورد]

مرحبا بك بلمنتدى


أنت قصصت أظافره وجنحانه علشان كذا حاقد عليك ولا تنسي أنه ظيف جديد عليك

وعلى البيت فطبيعى ان يكون حذر وخائف اول شيء خله بمكان أمن ولا تحرك القفص من مكان لمكان حتى يطمأن وياخذ وضعه ويذهب خوفه الفتره الحاليه لا تدخل يدك بلقفص الاكل والشرب
فقط حتى لاتزيد من خوفه بعد أسبوعين ممكن تعطيه قطع تفاح من خارج القفص وتتقربله تدريجيا اهم شيء لا تقلق الطير بكثرت التنقل والتحريك الغذاء انصحك الا تعطيه ماهب ودب

بل عليك بلحبوب المشكله وقطع الفواكه فقط بلأسبوع مرتين وبعده عن التيارات الهوائيه والتكييف

وبلتوفيق وقرأ بلمواضيع المثبته لتتعلم أكثر وأكثر

سعدنا بك

[محب الحياة البرية]

هل الشي هذا طبيعي والا لا ؟ يمكن يكون مستغرب من المكان

ومتى أبدأ أخليه يآكل من يدي ؟ اذا كان اليف خله اسبوع عشان يتعود على المكان بعدين جوعه ودخل يدك داخل القفص بشويش وخله ياكل .... واذا عضك عادي يمكن يكون مو متعود عليك

وعلى فكره تروني أخاف من العض أنا مادخلت يدي له علشان مايعض وأحقد عليه

ومتى أطلعه من قفصه ؟ مع العلم اني قصصت أظافره وجنحانه وكل شي جاهز
اذا حسيت انه خلاص تعود عليك طلعه
بس فيه شي غريب جالس يناظرني كأني ذابح أبوه

[كاسكووووو]

أخوي راجع المواضيع المثبتة بتفيدك كثير

[يوفاوي الكويت]

اول شي حياك الله اخوي بين اخوانك بالمنتدي

ثاني شي الف الف الف مبروووووووووووووووووك الطير

الطير جديد علي المكان واعتبره ضيف عنك

واكرام الضيف ثلاث ايام عند العرب

بس اكرام الطير اسبوع الي عشر ايام علي ما يرتاح في البيت

وخلال الاسبوع انت اهتم فيه برووووووووووووووحك

انت الي تحط له الاكل والماء علي شان يتعرف عليك

وحاول انت تشيل عنه الاكل من الظهر للمغرب

وبعده انت عطه الاكل بيدك وراح ياكل

هالفتره هذي فتره تعارف بينك وبين الطير

اهتم فيه كثيررررررررررررررررررررررررررر

دام ان الطير صفر صدقني راح تستانس عليه كثير

بس خله يرتاح بالبيت

[مجنون فلته]

مازيد على كلام الربع بشي مبروك علينا انت ومبروك عليك الطير

حياك الله واي تسأولات انا والأخوان حاضرين لك

[توني دريت]

أخواني الكرم ،،،،
عازف الكيبورد ، محب الحياة البرية ، كاسكووو ، يوفاي الكويت ، مجنون فلته
أشكركم على سرعة الرد والاستجابه والله لايحرمنا منكم ياااااااارب

تحياتي