كورس علاج تساقط الريش بالصور

[فدك]

السلام عليكم

اخواني واخواتي انا اخت لكم جديده في الموقع

حبيت افيدكم بمشكلتي مع طيري واستفيد من تجاربكم واللي مرت عليه نفس مشكلتي ياريت يساعدني

انا عندي طير كثير عزيز على قلبي وهو حبوب وأليف

جاني هو صغير وريشه قليل

وزادت مشكلته من كبر

صار يهرش جلده كأن فيه جرب ومع الهرش قضى على الباقي من ريشه

المشكله انه محزني وهو يهرش يصيح ويعض نفسه

وديته عند بيطري

قالي انه في طفيليات بجسمه وهي اللي مسببه هذه الحكه والتساقط

قلتله هذي الطفيليات ماتضر البشر قال لا

لكن اكيد بتضره هو المسكين وتخليه يهرش مثل المجنون

قال خليه عندنا نص ساعه نغسله ونرش عليه ماده

وبعدها تجيبيه كل اسبوع نكرر نفس العمليه

قلت له انا صعب اجي كل فتره لانه مشوار ممكن تعطيني نفس الماده وانا اغسله وارش عليه

رفض

حسيت انه بس يبغى يخسرني ويأكلني مشاوير على الفاضي

واصلا ماحسيت ان الطير تعالج من اول مره ومشكلته بقيت مثل ماهي

********************

اتصلت على صيدليه بيطريه وشرحت للدكتور حالة الطير

ووصفلي هذه الادوية الموضحة في الصور



هذي بودره تنحط في 10 جرام ماء ويتغطس فيها الطير

طبعا هنا قامت حرب عالميه بيني وبين صغيروني عشان اغطسه وهو مو راضي وخرجت من الحرب بعضات
بس كللللللللللللله يهون في سبيل علاجه


وهذي قطره تنحط في موية الطير تساعد على نمو الريش


وهذي قطرة لصحته اذا عنده زكام او اذا كانت فضلاته مو طبيعية الله يكرمكم


وهذا بخاخ زيادة الخير خيرين

وهذي صورة طيري المسكين بشبش بن فدفد


ادعو ان الله يشافيه مع هالكورس ويطلع له ريش ويصير حليو

سنوافيكم بأخر تطورات العلاج في الاسابيع المقبله بإذن الله

تحياتي