ياشباب اتمنى تساعدوني قررت اني اشتري نوع من الببغاءات ابي سعر كويس . التفاصيل بالداخل

[مربي مبتدئ]

بسم الله الرحمن الرحيم


كيفكم اعضاء منتديات تو زوو ان شاء الله بخير


المهم انا انسان صراحه . قررت اني اشتريلي ببغاء اليــف

بمعنــى يطلع على اليد يتكلم .. يكون مو مزعج هذاك الازعاج

اقدر اطلع فيه معاي بالسيارهـ اتمشى فيه .. يكون . يعيش لفترات طويله .

.. وش تنصحوني فيه ياليت .. وانا حدي بالسعر صراحه 1000 ريـآل سعــوٍدي


لاهنتم ارائكم واقتراحاتكم

[الوسام الذهبي]

انصحك الكاسيكو ( الافريقي )

بس بهالسعر ماراح يكون يتكلم ولا انتاج مزارع راح يكون بري بس ممكن يكون اليف لكن عنده جعير بسيط بهالسعر وعمره في حدود ال 8 اشهر فمافوق

يعني انت تاخذه وتبدئ معاه مشوار التدريب على الكلام

ملاحظة : هذا بالنسبة للبحرين ما ادري الاسعار عندكم اقل او اكثر

[m.n.a.n.g.h]

انصحك بالكاسكو لاكن بالقيمه الماليه اللي معك
انصحك تشتري
غيني في الغيني نفس الافريقي
وتلقى غينيات اليفه الفه زينه
((وبالتوفيق))

[مربي مبتدئ]

انا مايهمني الكلام اهم شي يكـون اليــف . واصير اناديه يجيني طيـآرهـ .. وش تنصحوني بالضبط

[مربي مبتدئ]

وهل تنصحوني في ببغاء الدرهـ؟؟؟

[mur1415]

طيب انت يهمك الشكل ؟؟

وبهالسعر تقدر تجيب درة اليفة وتتكلم ومدربة احسن تدريب
وتقدر تاخذ بعد
غيني بس صعب تحصله لان قلة الي يدربونه

[شايب حائل]

اخوي انا مبتدى مثلك عندي ببغاء افريقي عمره 8 شهور اشتريته بي 1000 ريال ماله ثالث ايام هذا انا جالس اتعود عليه بس تراه حلو مره الصراحه

[مربي مبتدئ]

شايب حائل لبى قلبك اسعدني مرورك

وبغيت اسالك ,, كيف تحس تدريبه سهــل ..ومن وين شريته


اذا تقدر تجيبلي زيه بـ 1000 ريال اكون لك شاكر يالغلا

[الكاكي]

والله الكاسكو المصيود افضل لان مناعته قويه مو زي الهولندي
لانه يستاهل التربيه وممتع جدا
اما الاليف ويطلع على اليد من 1100-ا1300
الاليف المتكلم كم كلمه من 2000-2300
اشتر فرخ مصيودفوق 6 اشهر الى 10 اشهر ب 1000ريال
واتوكل على الله وربي يوفقك

[ats]

جوفين كوكاتو وادعيلي و الف سعر مناسب