التقرير الاول : تجربتي الاولى وحب المجازفة والمغامرة

[n00n]

السلام عليكم ورحمة الله وبركاتة

اخواني الكرام في البدايه احب اشكر ادارة المنتدى علي ماتقدمه لنا في هذا المنتدى الجميل
واحب اشكر اخواني واخواتي اعضاء المنتدى علي مشاركاتهم النافعة

والان سوف اروي لكم قصتي والتقرير الاول وحب المجازفه والمغامرة

في يوم من الايام ذهبت الي سوق الحمام بالرياض من اجل شراء ببغاء للاولاد ومع الف والدوران مريت على الحراج ولقيت اشكال وانواع من الطيور وفي قفص لقيت ثلاث اجواز من الكروان قلت خلنا ندخل في المزاد وبدا المزاد ووصلتها الي السعر الا كنت ابيه لكن دخل معنا واحد من الشريطية الله يهديه واخذهم مني والله يرزقه قلت لعل الامر فيه خير

بعدها مليت وطفشت قلت خلني اروح البيت وانا طالع من السوق جاني واحد قال عندي لك عشه كامله للكروان عند واحد هذا رقم جواله اتصل عليه . اخذت الرقم وركبت السيارة قلت خلني اتصل عليه وكلمته وتم الاتفاق على اني اروح له في واشوف الاجواز ورحنا له وصلنا الي الاستراحة ولقيت عنده ماشاء الله مجموعه حلوه من الطيور قلت في نفسي شكلى راح اتهور واشترى الاجواز كلها وبالفعل تم الشراء ولله الحمد بعد تكسير الروس في السعر حملتها بالسيارة وكانت المدام عندها مشوار وكل شوي متصله يالله يالله وطول الطريق وانا اقول شكلي جبت العيد وش يفكنا من الزوجة ولكن قلت لعل الامير فيه خير لي

وصلت البيت ونزلت احباب قلبي اجواز الكروان الا الزوجه تقول وش جايب معك حمام وش ها الهوايه الجديدة ماتدري اني ايام الصغر مربي حمام وطيور بس ماعلمتها ايام الخطبة المهم نطلع من موضوع الخصوصية هههههههههههههههههههاى

نرجع الي محور حديثنا رجعت للبيت وجلست افكر وين راح اخليهم ينامون فيه وكلهم في قفص واحد قلت شكلى ابروح سوق الحمام بكره واحرج عليهم واتكسب فيهم كم ريال وانتهينا ومنها نعشى الزوجه في اى مطعم من الارباح وارجع اعتبار طائر الكروان هههههههههاى اجل تقول لهم حمام 0

المهم صحيت من النوم الصباح قلت في نفسي الكروان من افضل الطيور في الانتاج لي ما اتهور واصير منتج تفريخ طيور الكروان

ومن هنا راح ابدا تقريري المصور معكم
بنا سلاكة او عشه فوق السطح





الان مرحلة الدهان



وهذي صور من طيوري ماشاء الله تبارك الله








وفي ختام التقرير الاول اتمنى لكم التوفيق والاستفادة من خبراتكم ومن نصائحكم فلا تبخلون علي بكل ماهو هام ونافع لي .


تحياتي لكم اخوكم في الله ابونواف

انتظروني في التقرير الثاني

[مـغرد]

موضوع رائع ومنتظرينك .
ولكن في كم استفسار . ممكن اعرف اطوال السلاكه وهل راح تقسمها .
وفي الاخير كم كلفتك . عشان ابغى اعمل مثلها كبيره في السطح .
والف الف شكر لك . وموضوعك راح يكون جبار . استمر ياطيب .
تحية .

[n00n]

اشكر اخوي مغرد وبصراحه رفعت من معنوياتي
تفاصيل السلاكة واسرارها

1: السلاكة 3متر في 3 متر ارتفاع 2 مرحله اولى
2: الخشب من الصناعية بالرياض تم شراء 20 حبه مقاس 5 سم في 5 سم طول 3 متر ( بسعر 9 ريال للحبة ) 180 ريال الاجمالي
3: لفه شبك من النوعيه الممتازة من صناعية الرياض 20 متر في 120 سم بسعر 110 ريال
4:شينكو لتغطيه السلاكة مقاس 3.5 في متر عدد 4 حبات ( سعر المتر 13 ريال ) 182 ريال الاجمالي
5: برميل صغير بويه زيتي 20 ريال
6: مقص للشبك 15 ريال .. مسامير 15 ريال
اجمالي التكلفة 522 ريال فقط لاغير
7: الدريل خاص فيني .. المنشار اخذته من نجار هندي صديق لي ولله الحمد وماشاء الله كلها من صنع يدي السلاكة

طبعا هذي مرحله اولى من السلاكة في حاله النجاح ان شاء الله سوف اوسع السلاكة بحيث يصبح المقاس 6متر في 3متر في ارتفاع 2 متر
بالنسبة لطريقة عيش الكروان في السلاكة راح اعلق على الجدار القفص بصندوق التفقيص لكل جوز لوحده من اجل انتاج افضل وسعه السلاكة تقربيا 12 جوز بالاقفاص


وان شاء الله في التقرير الثاني بيكون فيه شرح مفصل لجميع الادوات واى استفسار انا تحت امركم

[مـغرد]

شكرا على المعلومات . وماقصرت وانا افتخر بان اكون اول من رد على موضوعك القيم .
ولكن انت مبدع اذا بنفسك تصممها . لان انا جربت اكثر من مرة تصميم سلاكه متر في متر وعجزت ههههه .
والآن راح اصمم 4 امتار قي 4 امتار وراح اخلي واحد يصمملي السلاكه . ومرة اخرى شكرا على المعلومات فعلا افدتني . ومن جد موضوعك راح يكون رائع وباذن الله الاعضاء يتفاعلو كعادتهم . وننتظر تقريرك الثاني . تحية .

[n00n]

تكملة التقرير الاول لطريقة بناء السلاكة واخر التطورات
مشـــــــــــــــــــــــــــــــاء الله تبارك الله

انتظروني في تكلمة التقرير الاول وتطورات بناء السلاكة


مشـــــــــــــــــــــــــــــــاء الله تبارك الله

اخوكم ابونواف

[الأسد الملك]

وعليكم السلام ورحمة الله وبركاتهـ

ماشاء الله ماشاء الله

اهنيك على السلاكهـ الروعهـ وماشاء الله ابداع شغلكـ

وراح يتم تثبيت الموضوع ان شاء الله

واصل بهذا الابداع

ولي رجعه نشوف اخر التطورات

بالتوفيق

[n00n]

اشكرك من كل اعماق قلبي الاسد الملك على تثبيت الموضوع وان شاء الله راح اكمل الموضوع معكم خطوة بخطوة من اجل استفادة الجميع

اذكرو الله ماشاء الله تبارك الله

[iCare]

ما شا الله اختيار موفق للطيور و ان شا الله تقر عينك بانتاجهم

و مساحة السلاكة ممتازة , و سلاكتي بنصف المساحة عندك لكن خوفي اتهور و افتح لي فرع ثاني

و بانتظار التكملة

تحية

[FedEx]

مرحبا اخوي

ما شالله عليك اخوي شغل محترفين و انشالله انا في طريقي لتصنيع سلاكه بس مو نفس الحجم


ننتظر بااقي التقرير و الله يوفقك في طيورك و تشوف انتاجهم

[كاجو]

ماشاء الله عليك أخوي وشغل منظم وعدل الله يوفقك

واختيارك للكروان أختيار موفق لأن الانتاج معاهم سريع ومضمون ،،

وان شاء الله تستمر في المشروع وتكمله على خير أهم شي العزيمه والاصرار

على أنجاز العمل << لاتصير مثلي بديت بسلاكة بادجي وبنص الطريق وقفت <<<

تمنياتي الحاره لك بالتوفيق وبانتظار النتائج ،،